U përurua “Shkolla e Gjelbër”

Prishtinë, 12 maj

Kryetari i Komunës së Prishtinës, Isa Mustafa, i shoqëruar nga ambasadori i SHBA-së në Republikën e Kosovës, Kristofer Dell, dhe përfaqësuesi i USAD-it, e bënë përurimin e objektit të “Shkollës së Gjelbër”, në lagjen “Gallapi” të Prishtinës. Shkolla është ndërtuar në partneritet me USAID-in dhe Komunën e Prishtinës dhe është e vetmja shkollë e këtij lloji në Ballkan. Mustafa dhe Dell thanë se kjo shkollë është një model i mirë për rritjen e cilësisë së arsimit në Kosovë dhe plotësimin e kushteve për integrime evropiane. “Shkolla e Gjelbër” është një pilot-projekt, i cili ka kushtuar mbi 2 milionë euro.Për këtë shkollë janë investuar 1,5 milion euro, prej të cilave 500 mijë i ka ndarë USAID-i, ndërsa 1,05 milion Komuna e Prishtinës. ambasadori amerikan Dell, duke e shprehur kënaqësinë e tij për ndërtimin e “Shkollës së Gjelbër”, tha se shteti më i ri në Evropë po e ndërton një shkollë, me të cilën do të bëhet e ardhmja e Kosovës. “E para, ka të bëjë me atë që e shohim shtetin më të ri në Evropë, mbase edhe në botë, duke e ndërtuar një shkollë të gjelbër, e cila i ka të gjitha karakteristikat e një shkolle ambientaliste. Po ashtu, shohim edhe transformimin prej një fushe, e cila ka qenë vetëm e zbrazët, në një ndërtesë në të cilën do të bëhet e ardhmja e Kosovës. I shohim fëmijët, siç e thamë, që janë e ardhmja e Kosovës”, nënvizoi Dell.