Kosova Sot
description

UP: Konkursi më 21 qershor

Publikuar: E marte 18 Maj 2010, 14:00 9 Komente

Universiteti i Prishtinës konkursin për pranim të studentëve të rinj do ta shpallë në javën e tretë të muajit të ardhshëm, pra më 21 qershor. Ndërkohë që menaxhmenti i UP-së nuk është i interesuar që sivjet të pranojë numër të madh të “brucoshëve”, ngase pranimi i më se 14 mijë maturantëve në universitet në vitin e kaluar e ka ngulfatur atë. Në mbledhjen e javës së ardhshme të Senatit të Universitetit të Prishtinës pritet të diskutohet për këtë çështje, me ç’rast dekanët e njësive akademike duhet që t’i dorëzojnë propozimet e tyre në Rektorat.Në bazë të agjendës së MASHT-it, Provimi i Maturës sivjet do të mbahet më 5 qershor, ndërkaq shpallja e rezultateve bëhet pas 10 ditëve, më 15 qershor. Andaj, si datë optimale e shpalljes së konkursit për pranim të maturantëve në universitet është 21 qershori. Përveç kësaj, krerët e UP-së u kanë bërë thirrje dekanëve të njësive akademike që t’i bëjnë gati propozimet e tyre për pranim të studentëve të rinj dhe t’i dorëzojnë në Rektorat, në mënyrë që ato të diskutohen në mbledhjen e Senatit.

 

 

 

Printo Dërgo
  • di





arkivi i lajmeve