UP-ja hap dyert, pranohen mbi 700 brucoshë

Universiteti i Prishtinës ka shpallur konkursin plotësues për pranim të studentëve të rinj në vitin akademik 2010 /2011. Në bazë të konkursit dhe sipas vendimit të MASHT, UP-ja në këtë afat do të pranojë 7 mijë e 622 studentë të rinj, prej të cilëve 6956 studentë të rregull dhe 666 me korrespondencë. Po ashtu universiteti do të regjistrojë edhe 296 studentë të rregullt nga Shqipëria, Maqedonia, Mali i Zi, Presheva, Medvegja e Bujanoci, si dhe 168 studentë nga minoritetet: turq, boshnjakë, romë, ashkalinj dhe egjiptianë. Ndryshe nga afati i parë i konkursit për pranim të studentëve të rinj kanë mbetur edhe 8097 vende të lira, pasi që janë pranuar 5049 studentë të rinj nga 19 082 kandidatë sa kanë hyrë në provim pranues. Afati për aplikim në UP është nga 6-14 shtator, kurse provimet pranuese do të mbahen më 18 shtator përveç Fakultetit të Inxhinierisë Mekanike dhe atij të Ndërtimtarisë dhe Arkitekturës në të cilat provimi pranues do të mbahet më 21 shtator. Në bazë të konkursit të sivjetmë në disa fakultete në Prishtinë në këtë afat nuk do të ketë fare konkurs për pranim të studentëve të rinj për studime me korrespodencë, siç është rasti me Fakultetin Juridik në Prishtinë në këtë afat do të jenë 121 vende të lira, në Fakultetin Ekonomik në Prishtinë nuk ka fare vende të lira, në Fakultetin e Mjekësisë në këtë afat ka konkurs vetëm për tri drejtime si për infermieri, mami dhe fizioterapi, kurse për drejtimet e tjera është plotësuar numri nga afati paraprak . Kurse në bazë të asaj që shihet në korridoret e fakulteteve, interesimi i maturantëve për t’u regjistruar në UP është mjaft i madh.

• arta 15.09.2010 - 14:44

  shume mire jeni

• lura 11.09.2010 - 19:42

  ka arritur arsimimi ne kosove

• linda 08.09.2010 - 17:41

  a ka me pas pz afate te dyte

• geotari 07.09.2010 - 23:43

  pese nuke ka edhe per mjeksin pergjithshme afati i dyt ,gabimi i madhe ,ka maturantet qe kan mbi 80% sukes ,duhet dekanati me shqertu edhe per nja 50 vende.