Ato janë mbretëresha të horoskopit: Femrat e kësaj shenje janë diva të lindura dhe rrezatojnë kudo që shfaqen!

 

Ato kurrë nuk aktrojnë divën por thjesht janë të lindura të tilla! Qëndrimi i tillë u është përshkruar në yje.

Femrat e lindura në shenjën e luanit të horoskopit quhen mbretëresha të horoskopit, ato vërtet janë të tilla! 

Gjithmonë janë kryesore në shoqëri dhe të lindura për të qenë diva. Këto janë arsyet të cilat i shpjegojnë të gjitha këto:

Janë argëtuese

Femrat e lindura në këtë shenjë janë në gjendje që edhe ngjarjen më monotone ta bëjnë zbavitëse, thjesht me shfaqjen e tyre. Luaneshat shpërthejnë me energji pozitive dhe janë interesante, andaj me to shumica dëshirojnë të shoqërohen.

Janë besnike

Për Luaneshat besnikëria ndaj partnerit është më e rëndësishme, qoftë kur është fjala për marrëdhënien dashurore apo miqësore. Te to gjithmonë mund të gjeni mbështetje, sepse kurrë nuk do të përpiqen t’ju tradhtojnë, ndërkaq premtimin të cilin e keni marrë nga femrat e lindura në këtë shenjë me siguri do t’jua plotësojnë.

Janë kreative

Femrat e lindura në shenjën e Luanit shpesh mendojnë jashtë suazave dhe zakonisht janë personat në shoqëri të cilat kanë idenë më të mirë. Dhe për shkak të kreativitetit të tyre shpesh janë të ndërmarrëse apo menaxhere të shkëlqyeshme.

Janë të parezistueshme

Ato nuk duhet të angazhohen fare për të tërhequr vëmendjen e gjinisë së kundërt, sepse meshkujt thjesht fluturojnë drejt tyre. Për këtë femrat e tjera shpesh ua kanë lakmi, sepse madje edhe kur japin çdo gjë nga vetja nuk mund të garojnë me sharmin natyral të Luaneshës.

Kanë stil

Femrat e lindura në këtë shenjë janë të njohura edhe për shijen e tyre mbretërore, por edhe për standardet e larta. Në gardërobën e tyre nuk do të gjeni grumbull të rrobave të lira, por disa veshje elegante dhe të zgjedhura me kujdes për të cilat janë të sigurta që u rrinë shkëlqyeshëm.

Janë inteligjente

Luaneshat janë të kompletuara sepse, pos që joshin, janë argëtuese dhe kanë stil, ato më së shpeshti janë edhe shumë inteligjente dhe shumica në shikim të parë i vlerësojnë gabimisht.

Janë mike të vërteta

Pos që shoqërimi me to kurrë nuk do të jetë monoton, tek ato mund të gjeni mbështetje në çdo kohë të ditës dhe natës. Për miqtë e vet gjithmonë kanë shumë durim dhe dashuri.

Janë të suksesshme

Femrat e lindura në këtë shenjë dinë të përballen edhe me sfidat më të rënda në mënyrë të përshtatshme.

Janë shumë të fuqishme dhe vetëm qielli u është kufi

Nuk janë ndër ato të cilat kanë ëndrrat e veta dhe aty përfundojnë, ato përpiqen t’i realizojnë ato. Për këtë shkak nuk duhet të befasoheni që janë ndër ato damat e famshme më të suksesshme si p.sh. Madona dhe Jennifer Lopez, të lindura mu në shenjën e Luanit!

(Kosova Sot)