Këto janë shenjat më punëtore të horoskopit!

  • 18 May 2018 - 12:12
Këto janë shenjat më punëtore të horoskopit!

Po, po! Ekzistojnë të paktën tre shenja në horoskop që nuk i ndal asgjë dhe dinë vetëm diçka: të punojnë fort. 

A e dini se cilat janë? Njihuni më poshtë:

Dashi
Dashi është një nga shenjat më të forta dhe këmbëngulëse të horoskopit. Nuk ka rëndësi sa herë u duhet të rrëzohen apo lodhen derisa të realizojnë qëllimin e tyre final, një Dash nuk dorëzohet kurrë përpara vështirësive. Besimi në vetvete, vullneti dhe shpirti luftarak janë tre epiteteve që përshkruajnë më së miri këtë shenjë dhe rrugëtimin e Dashit në çdo lloj nisme. Është një shenjë shumë inteligjente që e di mirë se çfarë do nga vetja dhe si të arrijë atë që do.

Luani
Jo vetëm Dashi, por edhe mbreti i zodiakut është një tjetër shenjë që karakterizohet nga shpirti luftarak, ndonëse në disa raste të jep përshtypjen e një shenje të pavendosur që nuk mund të përballojë presionin e sfidave. Kur i vendos vetes një qëllim, nuk di të tërhiqet pas derisa ta realizojë. Personat e lindur nën shenjën e Luanit bëjnë pjesë në radhët e atyre personave që arrijnë gjithmonë të tejkalojnë pritshmëritë e tyre dhe të tjerave.

Akrepi

Është e pamundur që një Akrep t’i lërë gjërat përgjysmë, përkundrazi shpeshherë e gjen veten duke marrë përsipër përgjegjësi që nuk i takojnë. Është nga të paktat shenja që e ka të skalitur kulturën e punës, por jo vetëm. Edhe në marrëdhënie shoqërore a dashurore Akrepi është ai që zgjedh të marrë vendime. Janë kokëfortë të lindur, gjë që i bën të pandalshëm derisa të realizojnë të gjitha qëllimet e tyre.
Janë progresivë dhe origjinalë, kështu që qëllimet e tyre janë gjithnjë inovative.

(Kosova Sot)