Facebook-u i ka të gjitha informacionet për ju - Auto&Tech - Kosova Sot
Facebook-u i ka të gjitha informacionet për ju

Facebook-u i ka të gjitha informacionet për ju

Është spekuluar se Facebook ka një patentë për këtë algoritëm, por nuk do të thotë se do ta përdorë atë Facebook-u ka informacione për ju, të cilat nuk do të donit t’i dinte, si p.sh. vendndodhja juaj në çdo kohë ose gjërat që u keni shkruar shokëve.

Duke pasur parasysh se sa kohë shpenzojnë njerëzit në Facebook, nuk është çudi që Facebook i rritë mundësitë e informacioneve për ju. Në qershor të vitit 2016, ky rrjet social paraqiti një aplikacion për patentë që do t’u lejonte atyre të përdorin një algoritëm që do të parashikonte pasurinë e përdoruesve të tyre. 

Të dhënat për paraqitjen e aplikacionit u bënë publike vetëm në shkurt 2018, kur Zyra e Patentave të SHBA-ve publikoi dokumente për të. Patenta dhe algoritmi do të përdorin të dhëna të ofruara vetëm nga përdoruesit, duke iu përgjigjur një sërë pyetjesh, si dhe ato që ata i jepnin në mënyrë të pandërgjegjshme duke përdorur Facebook-un. Sistemi në internet përdor klasifikimin për parashikimin e grupeve socio-ekonomike të përdoruesve të rrjetit. 

Te klasifikuesi janë përdorur modele që janë projektuar sipas të dhënave të popullsisë që i përket përdoruesi, të tilla si informacioni demografik, pronësia e pajisjeve, përdorimi i internetit, informacione shtëpiake dhe statusi socio-ekonomik. Rrjeti social do të krijojë përmbajtje që do të shfaqet në varësi të lidhjes së tij me një grup të veçantë socio-ekonomik. 

Është spekuluar se Facebook ka një patentë për këtë algoritëm, por nuk do të thotë se do ta përdorë atë. Në fund të fundit, ata kanë atë që nga viti 2016 dhe nuk e kanë përdorur atë deri më tani. Përveç kësaj, nuk është njëqind për qind i besueshëm dhe ky është vetëm një vlerësim. “Ne shpesh shikojmë për patentat për teknologjitë që ne kurrë nuk kemi zbatuar dhe kjo nuk është një tregues i planeve tona të ardhshme”, tha zëdhënësja e Facebook-ut.

(Kosova Sot)

12 orë e 18 minuta më parë
26/09/18