“S’mund të bëja dot pa të”, instruktori i karatesë seks me studenten e mitur. Mesazhet në celular: Fshiji të gjitha… - Dashuri - Kosova Sot
“S’mund të bëja dot pa të”, instruktori i karatesë seks me studenten e mitur. Mesazhet në celular: Fshiji të gjitha…

“S’mund të bëja dot pa të”, instruktori i karatesë seks me studenten e mitur. Mesazhet në celular: Fshiji të gjitha…

Ai ishte i vetëdijshëm se ishte ngatërruar në një marrëdhënie të ndaluar. E dinte se dashuria që e lidhi me një vajzë vetëm 14 vjeç, ndërkohë që vetë ishte gati 50 vjeç, ishte e paligjshme.

Për këtë arsye, Giulio C, instruktori i karatesë 48-vjeçar, përfundoi në arrest shtëpiak i akuzuar për raporte seksuale me një të mitur, në shumë mesazhe i kërkonte 14-vjecares t’i fshihte bisedat mes tyre në telefon.

Për të mos ngjallur dyshime, për të mos u zbuluar.

Të njëjtat biseda të gjetura në celularin e vajzës, e shtynë prokuroren Maria Gabriella Fazi, të kërkonte arrestimin e instruktorit.

E mitura, në fakt, kurrë nuk i kishte fshirë mesazhet e shkëmbyera me instruktorin.

U përpoq ta bënte këtë kur prindërit e saj zbuluan marrëdhënien mes tyre, por nuk kishte kohë të mjaftueshme.

Nëna e vajzës kapi telefonin dhe ia dorëzoi policisë, pasi lexoi bisedat me mësuesin e karatesë.

Ishte vëllai i katërmbëdhjetëvjeçares i cili e pikasi historinë e ndaluar të dashurisë. Motra nuk donte t’i thërriste arsyes, e insistonte se ishte e dashuruar.

Kështu, djali, student 20 vjeçar, vendosi t’i tregonte gjithçka nënës së tij, e cila iu drejtua Policisë menjëherë.

Kur agjentët e stacionit të policisë së San Giovanni u paraqitën në shtëpinë e Giulio C. për ta arrestuar, ai u përpoq të justifikonte veten: “Por unë e dua, nuk mund të bëja dot pa të”, një fakt që nuk e lehtëson pozitën e tij.

48-vjecari thuhet se duke përfituar nga brishtësia emocionale e vajzës, e ka shoqëruar atë për disa javë rresht nga kursi në shtëpi dhe kanë kryer edhe marrëdhënie seksuale.

(Kosova Sot)

4 orë e 18 minuta më parë
23/06/18