Qeveria ndan 1 milion euro për reklamë në CNN

Në mbledhjen e Qeverisë së Kosovës u miratua propozim-vendimi për ndarjen e mjeteve financiare në vlerë prej 1 milion eurove për realizimin e marrëveshjes në mes të MTI-së dhe Agjencisë së lajmeve CNN, e cila ka për qëllim promovimin e potencialeve të vendit tonë para investitorëve të huaj. Në mbledhje është thënë se mjetet për pagesën e kësaj kampanje do të sigurohen nga rezerva e buxhetit të Qeverisë dhe nga buxheti i rregullte. Gjatë mbledhjes së Qeverisë u miratua edhe propozim vendimi për fillimin e përgatitjeve për shpronësimin e patundshmërive të nevojshme për projektin e Brezovicës, propozimi për themelimin e komisionit qeveritar për statusin e ish të dënuarve dhe ish të përndjekurve politikë.