Rikthehet orari i rregull i fluturimeve

Edhe pse po vazhdon moti i ftohtë me të reshura të herëpashershme bore në vend, në Aeroportin Ndërkombëtar të Prishtinës "Adem Jashari” fluturimet janë duke u zhvilluar normalisht. Zyrtarët e aeroporti thonë është kjo dita e tretë që nuk ka pas ndonjë anulim, pas ditës së martë kur pati disa anulime fluturimesh. Zëdhënësi i ANP-së, Altin Ahmeti ka thënë nëpërmjet telefonit për Kosovapress se orari i fluturimet është duke u zhvilluar normalisht dhe nuk ka anulime siç ka pasur ditë më parë. “Nuk ka pas probleme që tri ditë me fluturime në Aeroportin Ndërkombëtar të Prishtinës ‘Adem Jashari’. Orari i fluturimeve është kryer ashtu siç është paraparë”, ka thënë Ahmeti. Ndryshe, para dy dite numri i fluturimeve që janë kryer ka qenë 20, ditën e djeshme 10 ndërsa sot, sipas orarit, pritet të kryhen 17 fluturime.