< Gjejeni grimin ideal "smokey eye" për formën tuaj të syve - Femra - Kosova Sot
Gjejeni grimin ideal "smokey eye" pėr formėn tuaj tė syve

Gjejeni grimin ideal "smokey eye" pėr formėn tuaj tė syve

Çdo formë e syve kërkon një vendosje të ndryshme të hijes kozmetike Qoftë për dalje në mbrëmje, apo për ndonjë darkë solemne, "smokey eye" mund të jetë një përzgjedhje shumë e mirë. Popullariteti i kësaj mënyre të grimit nuk do të bjerë edhe për një kohë të gjatë. Për më tepër, kjo pamje tani nuk është e rezervuar vetëm për orët e mbrëmjes, por një version diskret përdoret edhe gjatë ditës. Për fillim përzgjidheni mënyrën ideale të grimit "smokey eye" për formën tuaj të syve, e më pas shikoni idetë se cilat ngjyra t'i kombinoni për një grim sensual "smokey eye".

SYTË MË TË LARGËT NGA NJËRI-TJETRI

Image

 

 Qëllimi është që sytë të 'afrohen' midis tyre, respektivisht që vizualisht, të zvogëlohet distanca midis tyre. Për këtë qëllim, nuancat më të errëta vendosni në këndin e brendshëm, e ato paksa më të çelëtat, në këndin e jashtëm të syve.

SYTË E THEKSUAR, TË NXJERRË JASHTË

Image

 

 Vendoseni një linjë më të trashë me tush, apo laps për sy përgjatë qerpikëve të kapakut të epërm dhe nuancën më të errët në mes të kapakut.

KAPAKËT E LËSHUAR

Image

 

Evitojeni vendosjen e hijeve të errëta në tërë kapakun, por vetëm në palë dhe mbi palën e kapakëve të syve. Përdoreni "highlighter"-in në këndin e brendshëm të syve dhe nën palën e kapakut, në mënyrë që syri të duket më i hapur.

SYTË E DREJTUAR NGA POSHTË (KËNDI I JASHTËM I SYRIT SHKON POSHTË)

Image

 

Ngriteni këndin e jashtëm të syrit me grimin e guximshëm 'cat eye'. Vendoseni linjën e errët me tush, me 'bishtin' i cili zgjatet edhe pas mbarimit të kapakut. Sa i përket hijes, ajo le të jetë graduale nga më e ndritshmja në këndin e brendshëm, deri te më e errëta në këndin e jashtëm të syrit.

SYTË E VENDOSUR THELLË

Image

 

 Balanconi vijat tuaja të fytyrës, duke i bërë sytë që të duken më të nxjerrë jashtë. Përdoreni "highlighter"-in në këndin e brendshëm të syve dhe hijen e ndritshme përgjatë tërë kapakut të epërm, deri te pala. Një nuancë më të errët përqendrojeni në këndin e jashtëm të syrit, mbi vijën e palosjes.

SYTË SI BAJAME, TË DREJTUARA NGA LART

Image

 

 Theksojeni formën tuaj natyrore ashtu që kapakun e ndani në dy pjesë, hijen më të ndritshme e vendosni në gjysmën e brendshme të syrit, e të errëtën në gjysmën e jashtme, por përzieni mirë në mënyrë që të mos vërehet kufiri.

SYTË E VENDOSUR AFËR NJËRI-TJETRIT

Image

 

 Përqendroni ngjyrat e ndritshme në këndin e brendshëm të syve, e ato të errëtat në pjesën e jashtme, duke vazhduar pak edhe pas përfundimit të kapakut.

(Kosova Sot)

17 orë e 7 minuta më parë