Mënyra për ta parandaluar rënien e flokëve
Rënia e flokëve paraqet një problem gjenetik, por shprehitë e shëndetshme jetësore, si dhe të ushqyerit adekuat, mund ta luajnë një rol të madh në parandalimin e saj
Po ashtu, disa shampo, maska dhe regjeneratorë për flokë, mund ta parandalojnë rënien e flokëve.
Proteinat
Flokët përbëhen nga proteinat dhe mungesa e tyre mund të shkaktojë rënien e flokëve. Për këtë shkak, në meny duhet të keni ushqime me prejardhje shtazore, të cilat janë të pasura me proteina, sikur që është mishi dhe produktet e qumështit.
Vitamina C
Vitamina C, po ashtu, gjendet në flokët e shëndetshëm, kështu që nëse keni flokë të dobët është mirë që të konsumoni shumë agrume, sikur që është limoni, portokalli dhe mandarina. Edhe specat e gjelbër kanë shumë vitaminë C.
Vitamina B
Biotina dhe B kompleksi janë të domosdoshme për rritjen e flokëve. Vitamina B3 përmirëson qarkullimin në kokë dhe nxit rritjen e flokëve. Më së miri do të ishte sikur të merrnit suplemente të vitaminës B.
Hekuri
Konsumoni ushqime të pasura me hekur, sikur që janë kajsitë, mëlçia dhe stafidhet, por kujdes që të mos i kombinoni ato me produkte të qumështit, sepse ato e neutralizojnë hekurin.
Uji
Sikur edhe për gjithçka tjetër, uji ka rëndësi të madhe edhe për rritjen dhe kualitetin e flokëve. Kjo është vetëm edhe një arsye shtesë për të pirë të paktën 4-8 gota ujë në ditë.
Hormonet
Hormonet në organizëm ndikojnë me të madhe në rritjen e flokëve. Mungesa e hormoneve ngadalëson, kurse teprica nxit rritjen e flokëve.
Nëse femrat kanë mungesë të estrogjenit, atë mund ta kompensojnë duke konsumuar pataten e ashtuquajtur të ëmbël.
Po ashtu, duhet të evitoni alkoolin dhe duhanin.
(Kosova Sot)