Në vend të balsamit, lyeji flokët me majonezë

Nëse mbetesh pa balsam flokësh në raste urgjente, qumështi dhe majoneza janë zgjidhja perfektë.

Ndryshimi i temperaturave irriton flokët dhe për pasojë sjell edhe këputjen apo dëmtimin e tyre. Nëse ke flokë të ashpër edhe pas përdorimit të balsamit, ka një mënyrë më të thjeshtë, me produktet e shtëpisë… dhe të shëndetshme, sigurisht.

Pas disa përdorimesh, do t’i ndiesh flokët shumë të butë dhe të shkëlqyeshëm.

Përbërësit:

2 lugë majonezë

1 gotë qumësht (në varësi të flokëve)

2 lugë mjaltë

Përzieje mirë masën, derisa të jenë shkrirë mjalti dhe majoneza. Më pas fillo nga pak të lyesh pjesën e skalpit, duke e masazhuar me mollëzat e gishtave.

Lyeji flokët pak nga pak që ta shpërndash maskën në çdo fije. Në majat e flokëve vendos më shumë nga maska e përgatitur, meqenëse majat janë gjithmonë më të ekspozuara nga dëmtimet.

Mbaje maskën në kokë për gati 30 minuta, laje me shampon dhe shpëlaje me ujë të vakët.

(Kosova Sot)