description

Horoskopi javor (22-28.07.2013)

Publikuar: E hëne 22 Korrik 2013, 16:53 0 Komente

Dashi (21.3—20.4)

Doni me çdo kusht të provoni diçka të re

Dashuria: jeni të prirë që të tejkaloni kufijtë, të ndërmerrni veprimtari të rrezikshme, apo me ndonjë fjalë të pamatur ta ofendoni partnerin. Do të kërkoni që të tjerët t’ju respektojnë, por më parë duhet të respektoni të tjerët.

Partneri juaj: do të kërkoni diçka të re, të jashtëzakonshme. Frymëzimin do të mund ta gjeni te ndonjë Shigjetar, i cili ju sjell mu atë që dëshironi.

Puna dhe paratë: jeta profesionale disi do të jetë nën hijen e ngjarjeve private dhe të dashurisë. Meqë jeni duke humbur durimin, do të bëni mirë që të kërkoni burime të tjera financiare.

Shëndeti: do të jeni më të ndjeshëm. Ka mundësi që të keni dhembje kalimtare të kokës, si dhe probleme me sy, veshë, apo sinuse.

Numrat me fat: 7 11 18 30 71

Dashuria 3 Puna: 3 Shëndeti: 3

Vlerësimi i javës: 3

Këshilla e javës:

Të shtunën do të rrezatoni me energji pozitive. Shfrytëzojeni këtë për të mirë.

 

Demi (21.4—21.5)

Mos u dorëzoni derisa ta merrni atë që kërkoni

Dashuria: do të ndiheni më ndryshe se ditëve të tjera. Do ta keni një shqetësim të ëmbël të dashurisë. Kah mesi i javës mund të ndodhë diçka e mirë.

Partneri juaj: një person i shenjës Gaforre do t’ju tërheqë aq shumë, sa që do të bëni gjithçka për ta tërhequr vëmendjen e tij/saj.

Puna dhe paratë: do të mund t’ju shqetësonte dembelia që do ta ndjeni gjatë javës. Kjo do t’ju bëjë që të përvilni mëngët, për ta kompensuar atë që ju ka ikur.

Shëndeti: meqë do të jeni të shqetësuar, do të keni dëshirë për të lëvizur. Do ta evitoni qëndrimin e gjatë në ambiente të mbyllura. Më shumë kujdes duhet t’i përkushtoni lëkurës, duke u ruajtur nga alergjitë.

Numrat me fat: 9 13 28 67 90

Dashuria 5 Puna: 5 Shëndeti: 5

Vlerësimi i javës: 5

Këshilla e javës:

Në orët e mbrëmjes së të martës do të jeni partner ideal. Ofrojani këtë kënaqësi partnerit.

 

Binjakët (22.5—21.6)

Përkushtimi ndaj punës do të hapë mundësi të reja

Dashuria: situata e mirë në aspektin profesional mund të lejë nën hije ngjarjet në sferën e dashurisë. Edhe partneri juaj do ta ketë të njëjtin disponim. Kujdes që të mos largoheni nga njëri-tjetri.

Partneri juaj: një person i lindur në shenjën e Akrepit do t’ju intrigojë me qasjen e vet direkte. Kjo do t’ju pëlqejë shumë...

Puna dhe paratë: do të keni mundësi për të përparuar në punë, por ju duhet që të punoni shumë. Do të fitoni më shumë para.

Shëndeti: për shkak të përkushtimit ndaj obligimeve, nuk do t’i kushtoni kujdes pamjes së jashtme. Nëse rreziteni në diell, mbrohuni me krem.

Numrat me fat: 13 17 20 66 74

Dashuria 4 Puna: 5 Shëndeti: 4

Vlerësimi i javës: 4

Këshilla e javës:

E shtuna ju sjell shumë mundësi për t’u kënaqur në raportet e afërta personale.

 

Gaforrja (22.6—22.7)

Mrekullitë mund të ndodhin, sidomos nëse besoni në to

Dashuria: përfundimisht do të jeni të gatshëm që ta harroni të kaluarën dhe të ktheheni kah e ardhmja. Në lidhjen tuaj do të filloni të investoni më shumë. Ata që janë beqarë i pret një befasi e këndshme.

Partneri juaj: disponimi pozitiv i një Shigjetari do të mjaftojë që ta pranoni ofertën e tij.

Puna dhe paratë: entuziazmi profesional do të jetë në rritje e sipër. Kjo është një periudhë e volitshme për të bërë plane dhe strategji të reja.

Shëndeti: më shumë vëmendje do t’i përkushtoni vetes, shëndetit dhe pamjes tuaj. Do të keni rritje të apetitit, prandaj do të shtoni në peshë.

Numrat me fat: 3 19 22 47 60

Dashuria 5 Puna: 5 Shëndeti: 5

Vlerësimi i javës: 5

Këshilla e javës:

E marta është ditë e përkryer për të bërë hapa të mëdhenj.

 

Luani (23.7—22.8)

Një takim i dashurisë do të ketë ndikim të madh te ju

Dashuria: një mori ngjarjesh dhe personash do t’ua freskojnë dhe pasurojnë përditshmërinë deri në atë masë, sa që nuk do të keni kohë për veten tuaj. Takimi me një person mund të ketë ndikim të madh te ju. Nëse jeni në lidhje, atëherë do të ndjeni më shumë dashuri për partnerin.

Partneri juaj: me interesim do ta dëgjoni Virgjëreshën sesi analizon me themel çdo detaj të një ngjarjeje, e cila ka qenë e rëndësishme për ju të dy.

Puna dhe paratë: do t’ju duket se punët janë duke u zhvilluar shumë ngadalë. Do të zhgënjeheni nga puna e kolegëve.

Shëndeti: gjatë ditëve të kësaj jave do t’i kushtoni vëmendje të madhe pamjes tuaj. Do të keni shëndet të mirë dhe do të jeni imun ndaj sëmundjeve.

Numrat me fat: 2 6 18 33 60

Dashuria 5 Puna: 4 Shëndeti: 4

Vlerësimi i javës: 4

Këshilla e javës:

Sharmi dhe shoqërimi juaj do të jenë në kulm të premten. Organizoni një ndejë me miqtë dhe kënaquni duke biseduar.

 

Virgjëresha (23.8—22.9)

Flirti i një personi të martuar do t’ju lë pa gjumë

Dashuria: problemet e pazgjidhura nga e kaluara do t’ju ndjekin si fantazma. Edhe nëse jeni në lidhje, flirti i një personi të martuar, apo në lidhje, do t’ju lë pa gjumë meqë as ju nuk jeni të kënaqur me lidhjen që keni.

Partneri juaj: një besim i ndërsjellë midis jush dhe Bricjapit do të paraqesë themele të forta për një lidhje të mirë intime.

Puna dhe paratë: do të vendosni shpejt, e vendimet shumë shpejt do t’i realizoni në praktikë. Do ta zgjidhni një problem që ju mundon me javë të tëra.

Shëndeti: për shkak të energjisë së madhe që jeni, jeta pasive nuk do t’ju pëlqejë aspak. Me anë të ushtrimeve trupore dhe me një jetë më aktive do të mund t’i largoni tensionet.

Numrat me fat: 13 18 39 50 77

Dashuria: 4 Puna: 5 Shëndeti: 4

Vlerësimi i javës: 4

Këshilla e javës:

Të mërkurën do ta merrni një informatë shumë të rëndësishme dhe dobishme.

 

Peshorja 23.9—22.10

Në aspektin profesional do të ketë ndryshime të rëndësishme

Dashuria: prirja për zgjidhje ekstreme, si dhe nevoja e fortë që ta realizoni atë që keni planifikuar, do të kenë ndikim edhe në jetën tuaj të dashurisë. Komentet e partnerit do t’i merrni shumë afër zemrës.

Partneri juaj: te një person i shenjës Peshqit do ta gjeni strehimin nga sfidat e përditshme, por edhe nga luhatjet nëpër të cilat do të kaloni këtyre ditëve.

Puna dhe paratë: do të duken në horizont disa ndryshime të cilat, nëse ndodhin me të vërtetë, mund ta përmirësojnë statusin tuaj profesional. Do ta përgatitni terrenin për realizimin e një projekti të rëndësishëm profesional.

Shëndeti: mos e mundoni shumë veten me atë që mund të ndodhë. Pajtimi me rrethanat ekzistuese është një mënyrë shumë më e shëndetshme për ndryshime të gjithë atyre gjërave në jetë që nuk ju pëlqejnë tërësisht. Ka mundësi që të keni probleme me lukth.

Numrat me fat: 8 21 26 44 57

Dashuria 3 Puna: 3 Shëndeti: 3

Vlerësimi i javës: 3

Këshilla e javës:

Një ngjarje të martën mund t’ua bëjë me dije vlerën e një marrëdhënieje, apo raporti.

 

Akrepi (23.10—21.11)

Keni ambicie të mëdha dhe jeni të bindur te fitorja

Dashuria: do t’ju intrigojë një person i mbyllur, që nuk di si t’i shfaqë ndjenjat e veta. Për ata që janë në lidhje, kjo mund të jetë një lojë e rrezikshme.

Partneri juaj: në shoqëri të Bricjapit do ta ndjeni një afërsi të madhe. Sikur të ishin njohur me vite të tëra.

Puna dhe paratë: do të jeni aktivë dhe nuk do t’ju mungojnë as rastet e mira të punës. Do të jeni tepër ambicioz dhe të bindur se do të fitoni. Ajo që ju mungon është një organizim më i mirë në punë.

Shëndeti: pjesa më e madhe e vështirësive me shëndet do të kenë natyrë psikosomatike. Dhembja e kokës, problemet me shtypje të gjakut, apo dhembja e shpinës do të jenë shenja të një stresi të madh. Por, gjërat do të përmirësohen shpejt.

Numrat me fat: 1 11 23 74 65

Dashuria 4 Puna: 4 Shëndeti: 4

Vlerësimi i javës: 4

Këshilla e javës:

Dita me fat është e marta, prandaj shfrytëzoni të gjitha potencialet e saj.

 

Shigjetari (22.11—21.12)

Ajo që e pritni fshehtazi, mund t’ju gjejë të papërgatitur

Dashuria: nuk mund të thuhet se lini pa shfrytëzuar rastet që ju jepen. Ka mundësi që të keni lidhje të reja të dashurisë, por edhe ndarje të lidhjeve më të vjetra.

Partneri juaj: Dashuria me një person të shenjës Luani do të jetë diçka që do t’ua plotësojë jetën.

Puna dhe paratë: do të bëni punë të cilat kërkojnë një aktivitet më të madh fizik. Por, do të lodheni shpejt dhe punën e sotme do ta lini për nesër. Dëgjoni këshillat e bashkëshortit/es.

Shëndeti: do të bini vonë dhe do të zgjoheni vonë. Kafjall nuk do të hani, e për darkë do të hani atë që gjeni në frigorifer. Ky nuk është stil i mirë i jetës.

Numrat me fat: 9 15 37 60 77

Dashuria 4 Puna: 4 Shëndeti: 4

Vlerësimi i javës: 4

Këshilla e javës:

Të premten do të merrni lëvdata nga të tjerët.

 

Bricjapi (22.12—20.1)

Mos lejoni që të bini nën ndikimin e të tjerëve

Dashuria: lidhjet e vjetra do të pësojnë ndryshime. Me këtë rast, rëndësi ka që të gjitha vendimet e mëdha t’i merrni vet, pa ndikim nga të tjerët. Kjo mund të sjellë zhvillime të mira, por edhe të këqija.

Partneri juaj: Demi do të jetë partneri më i preferuar, pik së pari sepse do ta keni lehtë t’ia besoni atij sekretet tuaja.

Puna dhe paratë: detyrat e punës do t’i kryeni të relaksuar dhe në kohën e duhur. Ka mundësi që të vonoheni në punë, por kjo nuk do të paraqesë problem.

Shëndeti: gjatë kësaj jave është mirë që të merreni me veten tuaj. Ka kohë që nuk e keni bërë këtë.

Numrat me fat: 14 20 43 50 67

Dashuria 4 Puna: 4 Shëndeti: 4

Vlerësimi i javës: 4

Këshilla e javës:

Të enjten do të kënaqeni në shoqëri të miqve. Do të bëni biseda gjerë e gjatë.

 

Ujori (21.1—18.2)

Në punë do të shkëlqeni, por në dashuri...

Dashuria: duhet ta dini se shtyrja me fjalë nuk i ka sjellë të mira askujt në botë. Për këtë shkak, komunikimi, mirëkuptimi për interesat e partnerit, do të jenë parakusht për një lidhje të mirëfilltë. Ata që nuk janë në lidhje duhet të dalin më shumë.

Partneri juaj: kur ta analizoni një person të shenjës së Luanit, do ta kuptoni se jeta mund të jetë shumë më relaksuese dhe pa telashe.

Puna dhe paratë: do të keni entuziazëm të madh për punë. Do të minimizoni problemet, por një gjë e tillë do t’ju ndihmojë në punë.

Shëndeti: mundohuni që të jeni më pak të ashpër me veten tuaj. Shpërblejeni veten me ndonjë masazh, tretman kozmetik, apo aktivitet sportiv.

Numrat me fat: 8 13 37 49 51

Dashuria 4 Puna: 4 Shëndeti: 4

Vlerësimi i javës: 4

Këshilla e javës:

Nëse doni të dilni e të kënaqeni, atëherë bëjeni këtë ditën e shtunë.

 

Peshqit (19.2—20.3)

Dashuria do t’ju frymëzojë për vendime të mëdha

Dashuria: do të largohet ndjenja e pasigurisë. Do të zgjeroni kufijtë e ndjenjave dhe veprimeve tuaja. Koha është për fillim të ri, meqë epshi përsëri ndizet në zemrën tuaj.

Partneri juaj: me Ujorin do ta përjetoni një periudhë të njohjeve të reja. Për lidhjen tuaj vjen një kohë e re, që sjell edhe përvoja të reja.

Puna dhe paratë: gjatë ditëve në vijim do të jeni më origjinal dhe më i prirë për zgjidhje të shpejta. Më së miri do të gjendeni në punët që kërkojnë kreativitet apo komunikim.

Shëndeti: vështirësitë do t’i përjetoni si sfida dhe do t’i tejkaloni me lehtësi.

Numrat me fat: 14 22 36 60 82

Dashuria: 5 Puna: 5 Shëndeti: 5

Vlerësimi i javës: 5

Këshilla e javës:

Energjia dhe zemërgjerësia me të cilën do të rrezatoni gjatë kësaj jave, do të jenë të dobishme për marrëdhëniet me të tjerët.

Printo Dërgo
  • di

Komente


arkivi i lajmeve