E rrallë, një amerikan monton tualetin në veturë

Publikuar: E shtune 24 Korrik 2010, 21:21 2 Komente 24 Rekomandime

Ai dhe anëtarët e familjes, nëse bëjnë udhëtime të gjata, nuk kanë nevojë të ndalojnë automjetin për kryerjen e nevojave personale.

Më në fund, Dave Hersh, njeriu i kësaj ideje të pazakontë, ia ka arritur ta montojë në mënyrë funksionale mekanizmin e tualetit në makinën e tij. Ai kishte tentuar disa herë ta bënte këtë gjë, por kishte dështuar. “Versioni i parë ishte shumë i vështirë, kur makina hynte në një kthesë rruge, tualeti binte poshtë dhe thyhej pasi nuk ishte fiksuar mirë”, ka thënë Dave Hersh.

Ai thotë se versionin e dytë të tualetit në makinë ia kanë thyer miqtë dhe e treta e vërteta: versioni i tretë është ai që ndodhet akoma në makinë dhe po funksionon.

Kur makina e tij kalon në rrugë shumë njerëz ndalojnë dhe i bëjnë foto. Një prej këtyre fotove është edhe kjo që shihni këtu, protagonisti i “shpikjes” drejton makinën ndërsa djali i tij “shkon në banjë”.