Fustani magjik që vishet në dhjetë mënyra të ndryshme

Publikuar: E premte 27 Maj 2011, 23:16 1 Komente 37 Rekomandime

Kjo zonjë kreative ka filluar linjën personale të modës, sepse kurrë nuk ka pasur çka të veshë dhe nuk i ka pasur kushtet që të ndërrojë veshjet për raste të ndryshme prej mëngjesit deri në mbrëmje. Vanesa njihet për modelet multi-praktike, të cilat me ndryshimin e grimit dhe aksesoreve mund t’i vishni në mbledhjet e prindërve, takimet afariste, gjatë vozitjes, madje edhe në gala mbrëmje. “Gjithmonë kam pasur probleme me kohën dhe me veshjet. Kam dashur të krijoj një fustan i cili do të mund të vishet për çdo rast. Ky është koncepti i linjës sime, gjithçka është e lehtë për t’u përshtatur”, ka thënë Vanesa. Dizajni i fustanit magjik është shumë i thjeshtë, ndërsa është në shitje në variante njëngjyrëshe – ngjyrë të zezë, ngjyrë hiri, ngjyrë të gjelbër etj. Çmimi i fustanit është 170 funte. /Elle/