'Dell', monitori i ri

Monitori më i ri i kompanisë dell 'UltraSharp U2312HM' me 23'' posedon një numër të madh të funksioneve të avancuara, duke përfshirë rrotullimin horizontal dhe vertikal për lexim të teksteve të gjata ose faqeve të internetit. Nëse e aktivizoni opsionin 'Text Mode', ndriçimi i ekranit automatikisht rregullohet në 150 cd/m2, i cili është i përshtatshëm për lexim të tekstit, ndërsa njëkohësisht kursen energjinë elektrike. 'Dell U2312HM' është u pajisur me panel 'IPS' i cili siguron llojllojshmëri të ngjyrave me devijim minimal të tyre, shikuar nga secili kënd. Konreasti i lartë dinamik 2.000.000:1 dhe rezolucioni 1920X1080 janë të përshtatshëm për punë më të gjatë dhe për shikim të përmbajtjeve 'Full HD'. Ekrani është i ndërtuar nga materiale ekologjikisht të pranueshme dhe shfrytëzon mekanizma të avancuar për kursimin e energjisë.