Funksionon zemra artificiale që nuk rreh

Kohëve të fundit është vërtetuar se zemra, si organi kryesor i jetës së njeriut, në fakt nuk është aq kryesore sa mendojmë të gjithë ne. Rrahja e zemrës në imagjinatën dhe përfytyrimet e njerëzimit është shenja e jetës, por në të vërtetë nuk është e pazëvendësueshme. Këtë fakt e kanë deklaruar dy mjekë të institutit mjekësor nga Shtetet e Bashkuara të Amerikës "Texas Health Institute", të cilët marsin e kaluar bën që të jetojë një njeri me një aparat që punon vazhdimisht, ose për ta definuar më thjesht veprimin e tyre më saktë një zemër artificiale pa të rrahura. Njeriu i parë që mori këtë zemër quhet Kreg Luis, 55 vjeç dhe në momentin që shkoi në spital ishte në grahmat e fundit të jetës. Të gjithë menduan se ai tashmë po vdiste se zemra e tij kishte kapitulluar, por ndodhi e kundërta. Ai edhe sot e kësaj dite jeton me këtë zemër që nuk rreh.