Kujdes nga super-bakteri në autobusë dhe trena

Rrezik në autobusë dhe trena. Britania e Madhe është vënë në alarm për një super-bakter, i cili mund të përhapet lehtësisht në ambiente publike. Bakteri vrasës Mrsa, (Methicillin-resistant Staphylocoçus aureus), i quajtur USA300, i cili shkakton pneumoni, mund të mbijetojë lehtësisht në sipërfaqe, kështu që frekuentuesit e autobusëve dhe trenave mund të jetë ngjitës. Superbakteri, i cili mund të shkaktojë gjithashtu edhe njolla në lëkurë, u shfaq për herë të parë në Shtetet e Bashkuara të Amerikës, por tashmë raste të shumta kanë vënë në alarm Britaninë e Madhe. Departamenti i Biologjisë dhe Biokimikës në Universitetin e Bath bëri me dije se si u aktivizua super-bakteri. Në rastet më të rënda USA300 mund të çojë në helmimin e gjakut dhe në një pneumoni që mund të prish indet e mushkërive. Deri më tani janë identifikuar 1000 raste të bakterit Mrsa."Ky bakter është shumë i aftë për të prekur edhe personat e shëndetshëm", shtoi ekspertja që në një studim për "Journalof Infectious Diseases", ku analizon mekanizmin e përhapjes së këtij bakteri.