Kuptojeni cila është e vërteta dhe çfarë pa kurrfarë nevoje ju kanë gënjyer

Shampo është pjesëtar i pandashëm i preparateve të cilin e përdorim për kujdesin ndaj higjienës personale. Mirëpo, kohëve të fundit jemi bombarduar me informata të llojllojshme rreth përbërësve, vajrave dhe ekstrakteve të cilat shampot përmbajnë, sa që ka tejkaluar çdo vijë të kuqe.

 

Nëse s'ka shkumë, nuk ia vlen

Na është thënë se sa më shumë shkumë që krijon shampo, flokët do të jenë më të pastër? Kjo absolutisht nuk është e vërtetë. Shkuma është pasojë e ndikimit psikologjik në përdoruesit. Në rastin ideal shampo do duhej të prodhonte mjaft shkumë, në mënyrë që duart më lehtë të rrëshqasin nëpër flokë, prandaj vetëm një e katërta e shkumës së asaj që jemi mësuar mjafton për një pastrim të mirë.

 

Prodhimet cilësore mund të përmirësojnë majat e dëmtuara

Ilaçi i vetëm për majat e dëmtuara janë gërshërët. Derisa nuk caktoni një termin tek floktari, majat e dëmtuara i maskoni me preparate që përmbajnë silikon apo me dyllë të bletëve.

 

Larja e përditshme dëmton flokun

Larja e përditshme e flokut sigurisht se është e shëndetshme, por vetëm deri atëherë kur nuk përdorni shampo të fortë, që nga koka dhe rrënja e flokut zhdukin vajrat natyrale. Nëse keni flokë të yndyrshëm, larja e përditshme natyrisht se do të jetë e mirëseardhur. Mirëpo, përdorni shampo të butë me silikon apo pantenol. Por, personat me flok të dëmtuar apo me flok të thatë do të duhej t'i lajnë flokët e tyre çdo të dytën ditë. Varësisht nga lloji i flokut, kurrsesi pas larjes mos harroni të vendosni regjenerues.

 

Kombinimi i shampos dhe regjeneruesit është mashtrim

Kjo është vetëm një arsye për t'ju dëmtuar financiarisht. Shampo pastron e regjeneruesi ushqen flokun, prandaj nëse dëshironi t'i mbani flokët të shëndetshme dhe me shkëlqim, ky kombinim është zgjedhja e duhur.

 

Pas një kohe të gjatë floku mësohet me një shampo, prandaj duhet ndërruar çdo gjashtë muaj

Thënë të drejtën, prej nga njerëzve mendime të tilla? Flokët janë të 'vdekura', prandaj nuk mund të 'mësohen' në diçka. Këtu bëhet fjalë rreth perceptimit tuaj se si ndikon floku në formulën e re.

 

Shpëlarja e fundit me ujë të ftohtë, flokut i sjell shkëlqim

Shpëlarja e kokës me ujë të ftohtë nuk do bëjë asgjë më shumë, vetëm sa do t'ju kthjellë, pra, nuk fal shkëlqim flokut. Nga ana tjetër, shpëlarja me ujë të vakët, flokut tuaj vetëm sa do t'i dhurojnë ngjyrë më kadife.