Shampot dhe sapunët ndikojnë në mbipeshë

Shampot dhe sapunët ju bëjnë të shtoni në peshë? Kuptojeni të vërtetën rreth "kalorive të kemikaleve" në pajisjet për higjienë. Gjenetika, kaloritë e konsumuara dhe energjia, të cilën e shpenzojmë janë tri gjërat kyçe për të humbur dhe për të shtuar në peshë. Por, çka nëse edhe përkundër mënyrës së re të ushqimit edhe më tutje nuk mund të hiqni kilogramët? Studimi më i ri tregon se këtij problemi i kontribuojnë të ashtuquajturat "kalori kimike", të cilat gjenden në pajisjet higjienike si shampot, losionet për trup dhe sapunët. Sipas mjekëve nga Nju-Jorku, pothuajse 70 për qind e preparateve të kozmetikës dhe higjienës dëmtojnë procesin natyral të peshës në trupin e njeriut, duke i çrregulluar hormonet. Bisfenoli-A (BPA), i cili gjendet në shishet e plastikës, po ashtu është burim i "kalorive kimike".