description

Parandaloni sëmundjet: 11 ushqimet më të shëndetshme vjeshtore

Publikuar: E shtune 2 Tetor 2010, 20:48 0 Komente

Ju paraqesim pemët dhe perimet, të cilat, sipas të dhënave nga Instituti shtetëror amerikan për shëndetësi dhe ushqime, na mbrojnë prej sëmundjeve kardiovaskulare dhe kancerit.

Gjatë stinës së verës tregjet janë përplot me pemë dhe perime të freskëta, prandaj edhe e kemi më të lehtë të ushqehemi shëndetshëm. Mirëpo, gjatë stinës së vjeshtës dhe dimrit, kur tregjet janë të zbrazëta dhe na merr malli për ushqime të freskëta, do të duhej që më kujdes ta zgjidhni menynë.

Nëse dëshironi të jeni në top-formë, dëgjoni këshillat e ekspertëve të Institutit shtetëror amerikan për shëndetësi dhe ushqime. Ata kanë ndarë 11 artikujt më të shëndetshëm që mbrojnë organizmin prej sëmundjeve kardiovaskulare dhe kancerit.

 

Avokado

Avokado është burim i hatashëm i acidit oleik që ul nivelin e kolesterolit në gjak dhe mbron organizmin nga lajmërimi i kancerit. Është i pasur edhe me vitaminat E, K dhe B6, të cilët, në kombinim me yndyrat e shëndosha, parandalojnë zhvillimin e kancerit të prostatës.

Edhe pse avokado nuk është një artikull i cili përdoret edhe aq tek ne, mirëpo edhe është mjaft i pranishëm nëpër marketet tona. Është edhe si shtesë për sallatë, sandviç etj.

 

Borziloku

I takon familjes së bimëve sikurse qepa dhe hudhra, prandaj edhe posedon përbërës të njëjtë shërues. Shkaku i nivelit të shtuar të vitaminave C, magnezit dhe hekurit, borziloku ul nivelin e kolesterolit të keq (LDL), rrit nivelin e kolesterolit të mirë (HDL) në gjak, stabilizon nivelin e sheqerit në gjak dhe parandalon lajmërimin e kancerit në prostatë dhe zorrë të trashë.

 

Lakër Brukseli

Për shkak të sasisë së madhe të vitamina K, A, C dhe B6, lakra e Brukselit luan një rol të rëndësishëm në parandalimin e lajmërimit të kacereve. Falë kësaj perime, do të keni lëkurë të bukur dhe të shëndetshme, sistem dhe imun dhe eshtra të fortë.

Është mjaft i këndshëm, varet nga dëshira se si ju e përgatisni.

 

 

 

 

Kivi

Kjo pemë e vockël në vete përmban një sasi të madhe të antioksiduesve, vitamina dhe minerale që rregullojnë nivelin e sheqerit në gjak, mbrojnë zemrën dhe zorrën e trashë, ulin rrezikun e shfaqjes së astmës dhe trombeve.

Kivi është i shëndetshëm edhe nëse konsumohet vetëm, por edhe nëse e përzieni edhe me sallë dhe perime të tjera.

 

Borania

Karakterizohet me vitamina K që parandalojnë proceset infektuese, prandaj edhe është një ilaç i shkëlqyeshëm kundër astmës, osteoporozës dhe artritit. Përmban edhe magnez dhe acidet omega-3 të cilat mbrojnë zemrën, mbrojnë nga lajmërimi i kancerit dhe kthjellojnë kujtesën. Mund ta konsumoni edhe me sallatë, vaj ulliri dhe lëng limoni.

 

Lulelakra

Shkencërisht është vërtetuar se lulelakra është një luftëtar i shkëlqyeshëm kundër kancerit, sëmundjeve të zemrës, katarakteve, të thatit dhe artritit. Është i pasur me vitamina C, A, B2, B6, magnez, hekur dhe triptofanë.

Pa marrë parasysh se si e konsumoni, me supë, sallatë, në kombinim me perimet e tjera, por edhe si të vetëm, nuk do të gaboheni.

 

Patëllxhani

Është i pasur me proteina, kalium, magnez, vitamina të grupit B, po ashtu është luftëtar i shkëlqyeshëm i sëmundjeve malinje dhe atyre të zemrës. Po ashtu është një burim i shkëlqyeshëm i antioksiduesve dhe radikalëve të lirë që mbrojnë qelizat.

Patëllxhani mund të konsumohet i fërguar, pjekur…

 

Spinaqi

Me sa duket edhe Popai kishte të drejtë – spinaqi na jep forcë dhe pushtet. Në të vërtetë, ekspertët gjatë hulumtimit kishin gjetur 13 antioksidues të ndryshëm që ishin treguar të dobishëm në luftën kundër kancerit. Pos tyre, spinaqi përmban edhe vitamina K që mbron eshtrat, zemrën, sytë dhe nuk na lejon të plakemi.

 

Kungulli

Është i pasur me kalium, që është i rëndësishëm për mbrojtjen e zemrës, fosfor dhe kalcium që mbrojnë dhëmbët dhe eshtrat, hekur për gjak, dhe mangani kujdeset për një lëkurë më të bukur dhe të shëndetshme. Është e pasur edhe me beta-karotinë, antioksidues mjaft i njohur, por edhe me vitamina C dhe E.

Po ashtu është i pasur edhe me vitaminat e grupit B, B1, B2 dhe B6, që janë shumë të rëndësishëm për energji dhe nerva.

 

 

Mollët

Kjo pemë vjeshtore tradicionale është e pasur me antioksidues që parandalojnë lajmërimin e kancerit të gjirit, atë të zorrës së trashë dhe gurët në veshkë. Hulumtimet po ashtu kanë treguar se dy mollë në ditë parandalojnë lajmërimin e astmës dhe diabetit, tipi 2. Gjithmonë konsumojini të freskëta.

 

Dardhët

Dardhët janë të pasura me sheqer frutash, vitamina A, B, C dhe acid organik. Vitaminat e grupit B i ndihmojnë organizmit të luftojnë kudër stresit dhe marrin pjesë në procesin e fitimit të energjisë nga karbohidratet. Është shumë e dobishme ngase përmban magnez, kalium, fosfor, kalcium, natrium, hekur. Dardhët dhurojnë forcë, forcojnë zemrën, ndërsa farat e saja ndihmojnë në shërimin e sëmundjeve të mushkërive. Sikurse edhe pemët dhe perimet e tjera, duhet të konsumohen të freskëta. /Reuters/

Printo Dërgo
  • di

Komente


arkivi i lajmeve