Qelizat e mëlçisë të prodhuara nga qelizat e lëkurës

Ekspertët britanikë nga Universiteti i Kembrixhit për herë të parë në laboratorin e tyre me ndihmën e qelizave të riprogramuara nga qelizat e lëkurës së njeriut, me sukses ia kishin dalë të formojnë qelizat e mëlçisë.

Hulumtuesit presin që puna e tyre do të sjellë deri tek përparimi dhe zhvillimi në shërimin e sëmundjeve të ndryshme të mëlçisë. Këtë hulumtim të ekspertëve britanikë e kishte botuar revista ‘Journal of Clinical Investigation’.

Sëmundjet e ndryshme të mëlçisë janë shkaktari i pestë më i shpeshtë i vdekjeve në vendet e zhvilluara, pas sëmundjeve kardiovaskulare, kancerit, sulmit në tru dhe sëmundjeve të organeve të frymëmarrjes.

Sipas të dhënave që janë në dispozicion, shkalla e vdekshmërisë nga sëmundjet e ndryshme të mëlçisë janë personat e moshës së re dhe të moshës së mesme dhe çdo vit është në rritje e sipër, nga 8 deri 10%.

Duke marrë parasysh mungesën e organeve për transplantim, hulumtuesit që 40 vjet tentojnë të formojnë qelizat e mëlçisë në laborator.