Penelope Kruz në fushatën e ‘PETA’-s

Penelope Kruz i është bashkëngjitur listës së yjeve të Hollivudit, që janë zhveshur për fushatën e 'PETA'-s. Aktorja ka kritikuar përdorimin e gëzofit, ndërsa në kuadër të fushatës për luftë kundër përdorimit të tij, është fotografuar për pllakatin i cili do ta zbukurojë sheshin Medison në Nju Jork. Pllakati në lokacionin e përmendur do të qëndrojë prej 9 deri më 16 shkurt, sa zgjat edhe java e modës në Nju Jork, ndërsa fushata të ngjashme do të organizohen edhe në Londër dhe Milano. Aktorja ka publikuar njërin prej posterëve në profilin e saj në 'Twitter'.