Zbulohen tetë simptomat më të shpeshta të kancerit

Shkencëtarët kanë arritur të zbulojnë tetë simptomat të cilat më së shpeshti ndërlidhen me kancerin. Duke marrë parasysh se ekzistojnë diku rreth 200 lloje të ndryshme të kësaj sëmundje malinje, selektimi i këtyre tetë simptomave është një hap përpara, theksojnë shkencëtarët përmes rrjetit BBC. Simptomat e zbuluara që janë të ndërlidhura me kancerin janë: anemia, gjaku në urinë, gjaku në hapjen anale, pështyma me gjak, gjëndrat në gji, vështirësitë me rastin e përpirjes, gjakderdhja pas menopauzës, si dhe rezultat anormale të prostatës.

Shkencëtarët nga universiteti Killi nga Britania e Madhe theksojnë se me këtë rast janë të rëndësishme edhe vitet në të cilat lajmërohen simptomat. Prandaj sugjerojnë që çdo ndryshim i vërejtur të kontrollohet menjëherë.

Edhe pse këto simptoma vetvetiu nuk do të thotë se janë të lidhura me kancerin, të dhënat më të fundit tregojnë se ato mund të ndihmojnë në diagnostikimin më të hershëm të kancerit, si dhe për sqarimin e analizave për mjekët të cilët dyshojnë në kancer, prandaj në këtë mënyrë sëmundja do të vërehet në fazë të hershme, si dhe do të jetë edhe më e lehtë për t’u shëruar.

Shkencëtarët theksojnë se jeni më të ri se 55 vjeç, mundësitë për të qenë të prekur nga kanceri janë shumë të vogla. Këto tetë simptoma janë selektuar nga 25 studime të kryera më parë.