Three Billboards Outside Ebbing, Missouri" u zgjodh filmi më i mirë
NDAHEN ÇMIMET "BAFTA 2018"
J anë bërë të ditur fituesit e çmimit të Akademisë Britanike të Filmit dhe Arteve Televizive (BAFTA) për vitin 2018. Ceremonia e 71-të e BAFTA u organizua në "Royal Albert Hall" në Londër. Angelina Jolie, Jennifer Lawrence, Natalie Dormer, Salma Hayek si dhe Duka i Kembrixhit, princi William dhe bashkëshortja e tij, dukesha e Kembrixhit, Kate, ishin në mesin e atyre që u shfaqën në qilimin e kuq.
Gary Oldman fitoi çmimin aktori më i mirë për rolin e tij në filmin "Darkest Hour"
Filmi "Three Billboards Outside Ebbing, Missouri" i regjisorit anglez Martin McDonagh u zgjodh filmi më i mirë. Aktorja kryesore e filmit, Frances McDormand u zgjodh aktorja më e mirë. Filmi gjithashtu fitoi edhe çmimet filmi më i mirë në kategorinë dramë, aktori më i mirë ndihmës, skenari më origjinal dhe filmi më i mirë anglez. Ndërkohë aktori anglez Gary Oldman fitoi çmimin aktori më i mirë për rolin e tij në filmin "Darkest Hour". Ndërsa regjisori më i mirë u zgjodh meksikani Guillermo Del Toro i filmit "The Shape of Water". Çmimet BAFTA të cilat çdo vit ndahen 2 javë para çmimeve Oskar, janë një paralajmërues i mirë rreth çmimeve më të mëdha, Oskar, pra.
(Kosova Sot)