Agim Vinca, pjesëmarrës në festivalin ndërkombëtar të poezisë në Ramallah (Palestinë)
Poeti dhe studiuesi ynë i shquar, Agim Vinca, do të marrë pjesë në Festivalin Ndërkombëtar të Poezisë, i cili mbahet në qytetin Ramallah të Palestinës, nga data 15 deri më 19 gusht të këtij viti.
Një mbrëmje e këtij festivali mbahet në Jerusalem, në pjesën e vjetër të qytetit. Poezitë e Agim Vincës janë përkthyer në arabisht nga poeti i njohur me origjinë shqiptare që jeton në Siri, Abdylati Arnauti dhe nga përkthyesi e studiuesi i njohur Muhamed Mufaku.
Vite më parë Agim Vinca është prezantuar në "Antologjinë e poezisë shqipe të Kosovës", të hartuar nga poeti Abdylatif Arnauti (me 9 poezi), botuar në Damask në vitin 2003. Vargjet e Agim Vincës janë përkthyer edhe në gjuhën hebraike edhe janë botuar në revistën "Iton 77", që del në Tel Aviv. Agim Vinca është i vetmi poet nga hapësira shqiptare i ftuar në këtë festival, ku poetët i thonë vargjet e tyre në origjinal, në gjuhën amtare, kurse të njëjtat lexohen të për kthyera në gjuhën arabe nga aktorët vendas.
(Kosova Sot)