Anulohet koncerti i Eros Ramazotit në Prishtinë

Neglizhenca e institucioneve kosovare ka bërë që të dështojë koncerti i Eros Ramazotit, i paraparë të mbahet të premten, më 30 korrik, në stadiumin e qytetit në Prishtinë. Anulimi i këtij koncertit ka ardhur si pasojë e një mosmarrëveshje mes MKRS-së dhe menaxhmentit të stadiumit të Prishtinës. “Nënshkrimi i vonshëm i kontratë mes këtyre dyve dhe pengesat e Afrim Muçiqit, kanë bërë që të vijë deri tek anulimi i koncertit të Ramazotit”, ka thënë Armenda Filipaj, menaxhere e Agjencisë Koncertale të Kosovës, organizatore e koncertit të anuluar. Ajo ka thënë se edhe pas nënshkrimit të kontratës, në orën 11:00 të ditës së djeshme mes stafit menaxhues të stadiumit dhe MKRS-së, Muçiqi t’i ketë kërkuar asaj një shumë prej 15.000 eurosh, derisa të bëhet transferi i parave nga MKRS-ja. Por, Afrim Muçiqi, ka thënë se gjithçka do të ishte në rregull, sikur organizatorët të nënshkruanin kontratën, që do të garantonte se stadiumi do të jetë në atë gjendje siç do t’u dorëzohej. I. V.

Emri: Komenti: KARAKTERE TE MBETURA