Vetëm mrekullia e mbajti të gjallë tre vjeçarin

  • 24 May 2016 - 19:14
Vetëm mrekullia e mbajti të gjallë tre vjeçarin

Fëmija është duke u trajtuar për një sëmundje të njohur vetëm si M3BHA, e cila ka prekur vetëm tetë njerëz të tjerë në botë. Nga ata tetë, vetëm dy janë gjallë sot,transmeton gazeta Kosova Sot.

Por, siç shpjegon babai i Milo-s, Stephen Browne, sëmundja e të birit të tij është edhe më e komplikuar."Kur Milo trajtohet për sëmundjen M3BHA, ai në fakt tregon dëshmi të një forme më të avancuar të sëmundjes, e cila nuk është parë ndonjëherë", thotë ai. Sëmundja e trevjeçarit është një mister aq i madh, saqë mjekët e kanë etiketuar atë si "Sëmundja e Milo-s', sepse ata nuk kanë parë ndonjëherë një gjë të ngjashme me të. "Fakt është se Milo nuk do të duhej të ishte këtu. Ai nuk do të duhej t'i mbushë katër vjet më 3 qershor. Jetëgjatësia për fëmijët si ai është vetëm dyvjeçare. Por, Milo nuk po dorëzohet, kështu që as ne nuk po dorëzohemi. Pa marrë parasysh se a do të jenë edhe pesë ditë apo edhe pesë vjet që do të jemi bashkë, ne jemi të vendosur që të kënaqemi gjatë secilit moment", ka thënë babai. 

Sëmundja gjenetike  pengon rrjedhën normale të zhvillimit të foshnjës

Puna sapo është kompletuar në një dhomë të shtrenjtë me sensorë për të voglin e cila është duke u dëshmuar shumë e rëndësishme në relaksimin e Milo-s. Mjekët në spitalin e fëmijëve në Njukastëll kanë mbetur të habitur nga sëmundja e Milo-s, e cila e lë atë me nevojë për kujdestari prej 24 orëve në ditë. Stephen dhe partnerja e tij Laura Davidson, kanë edhe dy fëmijë të tjerë për të cilët duhet të kujdesen, Mia-n tetëvjeçare dhe Felix-in pesëvjeçar. Mjekët në fillim menduan se Milo mund ta kishte sindromën e Edwards-it, sëmundjen gjenetike që pengon rrjedhën normale të zhvillimit të foshnjës, por një gjë e tillë u dëshmua e pabazuar kur ai u lind.

Megjithatë, kur ishte vetëm një ditë i vjetër, laura filloi të brengosej se jo gjithçka ishte në rregull me foshnjën e sapolindur pasi që nuk po lëvizte në mënyrë të pritur. Ajo vërejti se duart dhe këmbët e Milo-s lëviznin shpejt, por për shkak se kishte qenë një lindje e shpejtë u sugjeruar ai ishte ende në tronditje dhe se do të qetësoheshin lëvizjet e tij të pakoordinuara. Për fat të keq, ato nuk u qetësuan, ndërsa gjatë tërë jetës së tij të shkurtë Milo u është nënshtruar shumë skanimeve, analizave e kontrollimeve për ta përjashtuar një varg të problemeve mjekësore, duke i përfshirë edhe çrregullimet në kromozome.

"Milo na frymëzon për çdo ditë"

Atij i janë bërë teste të syve, kontrollime të zemrës e dëgjimit, si dhe biopsi të muskujve dhe lëkurës, skanime MRI dhe EKG. Ai vetëm para pak kohësh është diagnostikuar me epilepsi."Milo na ka dëshmuar se edhe e pamundura është e mundur. Ai na ka mësuar se nuk duhet të jemi negativë. E dimë se nuk do të ketë ndonjë ilaç magjik, nuk e mohojmë një gjë të tillë, por Milo na frymëzon për çdo ditë dhe krenohemi shumë me të", ka thënë Stephen. Stephen dhe Laura tani janë duke mbledhur para për të blerë pajisje me sensorë që mund t'u ndihmojnë familjeve të tjera.  

(Kosova Sot)