Itali, shqiptari ekzekutohet me pistoletë
Një baba i 3 fëmijëve është ekzekutuar me pistoletë mbrëmjen e së mërkurës. Ngjarja ka ndodhur në Rimini të Italisë dhe viktima është një 40-vjeçar shqiptar.
Mediet italiane shkruajnë se bëhet fjalë për shtetasin Petrit Nikolli, i cili po priste fëmijë e katërt, pasi bashkëshortja ishte shtatzënë.
Ende nuk dihen rrethanat e ngjarjes, por pritet që policia italiane të japë detaje gjatë ditës.
Nikolli, me profesion zejtar ishte rezident prej disa kohësh në Itali. Ai u vra rreth orës 23.00. Mediet italiane shkruajnë se bashkëshortja e tij ka mbërritur menjëherë në vendin e ngjarjes, duke e gjetur në rrugë trupin e pajetë të bashkëshortit të saj.
(Kosova Sot)