Më 5 qershor referendum, 2500 franga për secilin zviceran të moshës madhore

Në Zvicër do të votohet në referendum më 5 qershor për të siguruar 2500 franga të ardhura në muaj për secilin qytetar të moshës madhore në vend. Mbështetësit e idesë duan që qeveria të sigurojë të ardhura mujore të paktën 2.500 franga zvicerane.

Ata që punojnë dhe marrin më pak se shuma në fjalë do të kompenzohen me një rrogë më të madhe. Edhe ata që nuk punojnë, do të marrin këto fonde. Të ardhurat do të jetë e pakushtëzuara dhe jo të tatueshme, shkruan CNN.

Qeveria zvicerane, e cila është kundër nismës, shpjegon se nëse propozimi pranohet nga qytetarët, do të duhet 25 miliardë franga në vit për të mbuluar këtë detyrim.

Sipas Qeverisë futja e taksave të reja ose kufizimi i shpenzimeve do të dëmtojnë rritjen ekonomike. Kundërshtarët besojnë se Zvicra është një vend i pasur dhe mund të përballojë ë të ardhura të tilla për qytetarët. Mbështetësit e idesë besojnë se qindra e mijëra zviceranë janë kërcënuar se do të humbin vendin e tyre të punës për shkak të përparimeve në teknologji. Sondazhet tregojnë se vetëm 40% e Zvicrës mbështesin idenë e për të ardhura mujore 2500 franga pa punuar fare.

Ndryshe nga shumica e vendeve në Zvicër nuk ka pagë minimale. Shumica e zviceranëve thonë se ata synojnë të vazhdojnë të punojnë, madje edhe me futjen e këtyre të ardhurave. Arsyeja është se kufiri i 2500 frangave është shumë afër vijës më të ulët të varfërisë prej rreth 2.100 franga, dhe është shumë më poshtë se paga mesatare në vend prej më shumë se 6.000 franga.

Sondazhi i agjencisë së votimit “DemoSCOPE” thekson se vetëm 10% e të anketuarve mendojnë mundësinë për t’u larguar nga puna me pranimin e kësaj nisme për të ardhura të njëjta për të gjithë qytetarët, shkruan albinfo.ch. Mbi gjysma e tyre kanë thënë se do të kishin mundësinë për të shpenzuar më shumë kohë me familjen e tij.

Zvicra nuk është i vetmi vend i pasur në botë që po shqyrton idenë e për “të ardhura bazë mujore”. Finlanda është duke e shqyrtuar mundësitë dhe për të eleminuar të gjitha programet e mirëqenies sociale në vend për të paguar çdo qytetar të saj me 10.000 në vit.

(Kosova Sot)