Hollande thotë se nuk i tërheq reformat në tregun e punës
Presidenti i Francës, Francois Hollande, ka thënë se nuk do të tërhiqet nga reformat në tregun e punës, edhe pse sindikatat kanë kërcënuar me përshkallëzim të protestave.
“Kur na duhet të bëjmë reforma, ne i përfundojmë ato”, ka thënë Hollande.
Grevat e sindikalistëve në Francë kanë prekur rafineritë e naftës, stacionet e energjisë bërthamore dhe portet.
Austostrda, ura dhe tunele janë bllokuar, ndërsa fluturimet dhe shërbimet hekurudhore janë kufizuar po ashtu.
Reformat e reja e bëjnë më të lehtë për kompanitë të punësojnë dhe të përjashtojnë staf.
Të enjten, 77 protestues janë arrestuar dhe 15 policë janë plagosur në përleshje.
(Kosova Sot)