Vajza me sy të fryrë quhet bretkosë dhe jashtëtokësore

Një vajzë shtatëvjeçare indiane përballet me ngacmime duke u quajtur bretkosë dhe jashtëtokësore nga ana e fëmijëve të tjerë, për shkak se e ka një sëmundje të rrallë që shkakton fryrjen e syve të saj. Shaili Kumari vuan nga një çrregullim i rrallë gjenetik i quajtur sindromi i Crouzon-it, që ndodh kur eshtrat në kafkë bashkohen para kohe. Rritja anormale e këtyre eshtrave çon deri de fryrja e syve dhe problemet me shikimin të shkaktuar nga vrimat e cekëta të syve, ndërsa sytë nuk shikojnë në drejtim të njëjtë,transmeton gazeta Kosova Sot.

Ëndërron që të bëhet mjeke

Ngacmimi do të thotë së Shaili nuk shkon në shkollë. Përkundër kësaj, ajo ëndërron që të bëhet mjeke një ditë për t'u ndihmuar fëmijëve të tjerë me sëmundjen e saj."Ndihem keq kur e shoh veten në pasqyrë dhe e pyes veten nëse një ditë do të jem sikur motra ime, por e mbaj veten të zënë duke kënduar dhe vallëzuar për të mos menduar për këtë gjë", ka thënë ajo."Me të vërtetë dëshiroj që të studioj për t'u bërë mjeke, në mënyrë që t'u ndihmojë njerëzve si unë. E di se nuk jam normale. Dua që të trajtohem në mënyrë që të filloj të shkoj në shkollë dhe ta jetoj jetën time. Nuk kam frikë nga mjekët, në fakt më pëlqen t'i vizitoj, sepse ata më japin shpresë se do të bëhem më mirë", ka shtuar Shaili.

"Trajtimi do të bëhet pas testimit gjenetik"

Shumica e fëmijëve operohen para se t'i mbushin 18 muaj për ta ndarë kafkën para se të bashkohet, por mjekët afër shtëpisë së saj nuk kanë qenë në gjendje që t'i ndihmojnë. Babai i saj, Pintu Kumar, 33-vjeçar, i cili fiton 50 euro në muaj si rojë e sigurisë, ka thënë se ndihet i pafuqishëm për t'i ndërprerë ngacmimet. Tani Shaili është duke pritur që të kontrollohet nga mjekët e njërit prej spitaleve më të mirë të Indisë në Delhi. Utpal Dutt, themelues i një organizate bamirëse, ka thënë: "Dikush i postoi informatat në lidhje me Shaili-n në një rrjet social dhe ne i ofruam ndihmë familjes".Dr. Ashish Sinha, mjek në spitalin e Patnas, ka thënë: "Ky është një rast i rrallë dhe trajtimi do të bëhet pas testimit gjenetik. E kemi udhëzuar që të shkojë në spitalin e Institutit të Mjekësisë Shkencore në Delhi, ku familja do ta pranojë ndihmën e merituar".

(Kosova Sot)