Sarandë, një turist vdes në pishinën e hotelit

Një turist polak është gjetur i vdekur në pishinën e një hoteli në Sarandë në lagjen Nr. 1.

Ngjarja ka ndodhur ditën e sotme rreth orës 14:27 në hotelin në pronësi të 50-vjeçarit me iniciale A.Z.

Mësohet se viktima është 78 vjeç me iniciale H.T. Ai ishte nën shoqërinë e bashkëjetueses së tij 69-vjeçare Z.K, gjithashtu polake.

Policia dyshon se shkak i vdekjes së turistit ka qenë një infarkt, megjithatë do të priten rezultatet e autopsisë për të përcaktuar shkaqet e plota.

(Kosova Sot)