“Isa Mustafa, përgjegjës për 500 milionë franga të mbledhura në Zvicër”! (Video)

Kryetari i degës së LDK në Zvicër, Shefqet Dibrani, ka akuzuar rëndë Isa Mustafën e rrethin e tij të ngushtë, ku Dibrani pretendon se Mustafa keqpërdori mbi 500 milionë franga që ishin mbledhur nga diaspora në kohën e 3 përqindëshit.

Dibrani ka thënë në InfoBox të RTV Dukagjini se janë fjalë boshe kur thuhet se fond i 3 përqindëshit ka qenë afër 250 milionë marka.

Sipas tij, vetëm nga Zvicra ishin mbledhur mbi 500 milionë franga nga bashkatdhetarët.

Nëse hapet kutia e Pandorës siç ka thënë ky kryetar i LDK-së në Zvicër, Isa Mustafa por edhe të tjerët duhet të përgjigjen për para prokurorisë për keqpërdorimin e kësaj shume milionëshe.

(Kosova Sot)