Kisha ortodokse ruse ndihmon ndërtimin e “ Luginës së Diellit” në veri

Marko Gjuriq po qëndron në Moskë dhe atje bashkëbiseduesit i ka njoftuar me situatën në Kosovë.

Gjuriq dhe Maria Obradoviq janë takuar sot në Moskë me kryetarin e Këshillit Suprem të Partisë unike të Rusisë Boris Grizlov i cili ka theksuar se marrëdhëniet ndërmjet Rusisë e Serbisë janë testuar me kohë dhe se në to nuk mund të ndikojnë kurrë ndikimet e jashtme.

Gjuriq e ka njoftuar Grizloin me situatën  e Kosovës, me rrjedhën e dialogut të Brukselit dhe me gjendjen e “popullit serb në krahinën jugore”, njofton tanjug,

Ai ka thënë se Qeveria serbe ka filluar procesin e kthimit të personave të shpërngulur në Kosovë, në radhë të parë e ka njoftuar për ndërtimin e vendbanimit “Lugina e Diellit”, në veri të Kosovës.

Gjuriq e ka theksuar rëndësinë e ndihmës së Kishës ortodokse ruse e cila ka shfaqur gatishmërinë e saj për të ndërtuar kishë në këtë vendbanim.

Lugina e Diellit është projekt serb për siç thonë zyrtarët e Beogradit, kthimin e 1500 serbëve të shpërngulur në Mitrovicën Veriore.

(Kosova Sot)