Arrestohen tre të dyshuar për keqpërdorim të pozitës zyrtare
Policia e Kosovës, konkretisht Drejtoria për Hetimin e Krimeve Ekonomike dhe Korrupsionit, në kuadër të angazhimeve të vazhdueshme për parandalimin dhe luftimin e krimit dhe korrupsionit, dje me datën 30 qershor 2016, në rajonin e Prishtinës ka bërë arrestimin e tre personave të dyshuar, të cilët dyshohet se kanë ushtruar veprat penale ‘keqpërdorim të pozitës apo autoritetit zyrtar’, ‘mashtrim’ dhe ‘mashtrim ose dëmtim i kreditorëve apo debitorëve’, citon gazeta Kosova Sot Online njoftimin e PK-së.
Të dyshuarit e arrestuar në këtë rast janë:
-V. M. lindur me 1964 m/serb
-N. B. lindur me 1952 f/serbe
-A. M. lindur me 1973 m/sh/k
Në konsultim me prokurorin kujdestar të Prokurorisë Themelore në Prishtinë, të dyshuarve u është caktuar masa e ndalimit policor prej 48 orëve, për të vazhduar me procedura tjera ligjore.
(Kosova Sot)