Grabitja në Rinas, hetimet i marrin në dorë Krimet e Rënda

  • 01 July 2016 - 16:52
Grabitja në Rinas, hetimet i marrin në dorë Krimet e Rënda

Hetimet për grabitjen e parave në pistën e aeroportit të Rinasit i kalojnë Prokurorisë së Krimeve të Rënda, ndërkohë që deri para pak orësh po ndiqeshin nga Prokuroria e Krujës.

Ky vendim është marrë nga Prokuroria e Përgjithshme, pasi dyshohet se grabitja është bërë nga një grup i strukturuar kriminal.

Mësohet se një prokuror i Krimeve të Rënda ndodhet aktualisht në komisariatin e policisë së Rinasit, për të mbledhur dëshmi dhe prova.

(Kosova Sot)