Vrasësi shqiptar me një këmbë do të dëpërtohet nga Britania (Foto)
Vrasësi shqiptar me një këmbë, Saliman Barçi, i cili pretendon se është azilkërkues nga Kosova, do të dëbohet nga Britania e Madhe pas 14 vitesh që jeton si lypës.
41-vjeçari, që ka kryer një vrasje të dyfishtë 20 vite më parë, është urdhëruar nga një gjykatë në Londër që të ekstradohet në Shqipëri, shkruan “Daily Mail”.
Autoritetet e migracionit e akuzuan atë se ka “mashtruar qëllimisht”, duke përfituar edhe mbështetje sociale nga shteti britanik. Ai përfitoi dokumentet si shtetas nga Kosova dhe kur u pyet për këtë, u përgjigj: “Ashtu si çdo shqiptar, edhe unë thash se isha nga Kosova.”
Babai i tre fëmijëve akuzohet se ka vrarë Përparim Ibrahimin dhe Artur Gjokën në qytetin e Burrelit. Barçi u arratis nga Shqipëria pas vrasjes së kryer me armë të ushtrisë dhe çështja e tij u mbyll në mars të vitit 1998.
Barçi u dënua me 25 vite burg në nëntor të vitit 2009, pas rihapjes së procesit gjyqësor dhe daljes në dritë të fakteve të reja. 41vjeçari ka kërkuar që të mos ekstradohet jo vetëm për shkak se drejtësia në Shqipëri është e manipuluar por edhe për gjendjen e tij shëndetësore. Ai ka pohuar se, ka prerë këmbën e tij të majtë 2 cm poshtë gjurit.
(Kosova Sot)