Kryeministri ngushëllon familjet e tre shqiptarëve të vrarë në Munich

Kryeministri Isa Mustafa, është informuar zyrtarisht nga Ambasada e Kosovës në Berlin, se në mesin e viktimave të sulmeve të mbrëmshme vdekjeprurëse në Munih, janë edhe tre të rinj shqiptarë.

“Në emër të Qeverisë së Republikës së Kosovës, iu shpreh ngushëllimet më të sinqerta familjarëve për këto humbje të pakompensueshme. Kryeministri Mustafa, po ashtu, ka theksuar se Qeveria dhe qytetarët e Republikës së Kosovës qëndrojnë pranë familjarëve të viktima dhe bashkëndjejnë dhimbjen, në këto momente të rënda për të gjithë”, thuhet në telegramin e ngushëllimit të Mustafës.

Kryeministri Isa Mustafa, gjatë ditës, i ka dërguar një telegram ngushëllimi edhe kancelares gjermane, Angela Merkel, duke i shprehur ngushëllimet dhe solidaritetin e qytetarëve dhe të Qeverisë së Kosovës.

(Kosova Sot)