I riu u hakmor gjatë dasmës për vrasjen e babait 19 vjet më parë
9 vjet më parë, Memish Alidini u vra nga babai i Miraim Isait. Vrasja e vitit 1997 u bë shkak që djali i viktimës të hakmerrej duke vrarë Miraimin.
Autori
Ngjarja ndodhi në një dasmë në fshatin Orgjost në Kukës një ditë më parë. Ismail Alidini, 24 vjeç u arrestua disa orë pasi qëlloi pas shpine, me thikë, bashkëfshatarin e tij, 29-vjeçarin Miraim Isa.
Krimi Sipas policisë, krimi ndodhi rreth orës 22:30, ku 24-vjeçari e ka goditur në befasi nga pas disa herë me thikë. Edhe pse ishte errësirë të pranishmit e tjerë e njohën, pasi bëhej fjalë për një bashkëfshatarin e tyre.
Viktima
Në vitin 1997, babai i 29-vjeçarit Miraim Isa, Behram Isa, pas një grindjeje vrau me armë zjarri në oborrin e shtëpisë babain e Ismail Alidinit, Memishin.
Në atë kohë, djali i mbetur jetim ishte 5 vjeç, i cili rritej bashkë me rrëfimin e familjarëve të tij se si iu vra babai në oborrin e shtëpisë. Në të vërtetë, vrasësi u kap nga policia dhe u dënua me 13 vjet heqje liria. Ai para disa vitesh doli nga burgu dhe më pas vdiq në shtëpi, por duket se kjo nuk e ka zgjidhur situatën e rënduar mes dy familjeve.
(Kosova Sot)