Në Shqipëri nisi vaksinimi i gjedhëve për parandalimin e ”dermatozës modulare”
Ministria e Bujqësisë në Shqipëri ka nisur vaksinimin parandalues për sëmundjen ”dermatoza nodulare të gjedhit”.
Janë mbi 25 mijë doza vaksine që i janë ofruar vendit nga fondi i emergjencës së BE-së.
Drejtori i Veterinarisë në Ministrinë e Bujqësisë, Edi Ferro thotë se janë evidentuar disa vatra sporadike lokale nga sëmundja e gjedhit, në kufi me Kosovën e Maqedoninë, tek te cilat po ndërhyhet me intensitet.
Ndërsa deklaron ai, janë në vëmendje si fillim fermat me mbi 20 krerë dhe më pas do të nisë vaksinimi edhe për fermerët e vegjël. Sipas drejtorit të veterinarisë kjo sëmundje nuk është e rrezikshme për shëndetin e njeriut.
Sëmundja mendohet se ka ardhur nga vendet e largëta si Siria apo Turqia dhe zonat e prekura në vend janë ato kufitare ku janë evidentuar 65 vatra me shenja klinike dhe 100 krerë gjedhë të prekur nga sëmundja.
Në fillim të korrikut Ministria e Bujqësisë njoftoi praninë e sëmundjes ”dermatoza nodulare e gjedhit” në disa shtete të rajonit si: Turqi, Maqedoni, Kosovë, Serbi, Bullgari e Greqi.
(Kosova Sot)
