Janinë, bariu shqiptar 20-vjeçar mbytet në det teksa lahej me shokun
Një 20-vjeçar shqiptar në Janinë humbi jetën sot fatkeqësisht pasi u mbyt në det në zonën e Gaza Sagiada.
Ai ishte së bashku me një shokun e tij, gjithashtu shqiptar. Të dy punonin si bari në zonën e Janinës.
Ka qenë shoku i 20-vjeçarit që njoftoi autoritetet kur gjeti të pajetë të riun.
Shqiptari u dërgua me ambulancë në spital, por nuk mundi që të mbijetonte.
Trupi i tij i pajetë ndodhet në morgun e Janinës për t’iu nënshtruar autopsisë, kurse autoritetet nisën hetimet për zbardhjen e shkaqeve të kësaj ngjarje.
(Kosova Sot)