Vizita e Putinit në Slloveni – në kohën e tensioneve me perëndimin

  • 30 July 2016 - 11:58
Vizita e Putinit në Slloveni – në kohën e tensioneve me perëndimin

Presidenti i Rusisë, Vladimir Putin, sot pritet të arrijë në Slloveni, në një periudhë të tensioneve ndërmjet Moskës dhe Bashkimit Evropian e NATO-s.

Sllovenia, anëtare e BE-së dhe NATO-s, ka mbajtur raporte miqësore me Rusinë, megjithqë i është bashkuar BE-së në sanksionet kundër Rusisë, për shkak të mbështetjes së Rusisë për separatistët prorusë në prjesën lindore të Ukrainës dhe për aneksimin e Krimesë së Ukrainës.

Autoritetet e Sllovenisë këtë vizitë e kanë përshkruar si formale. Putini do të jetë pjesëmarrës i një përkujtimi për Luftën e Parë Botërore.

Por, diplomatë të BE-së i kanë thënë agjencisë Reuters se ata kanë shqetësime se Rusia po bënë lobim në vendet miqësore evropiane, përfshirë Slloveninë, për ta shkatërruar unitetin e BE-së për sanksionet kundër Moskës.

Presidenti i Sllovenisë, Borut Pahor, i tha agjencisë ruse të lajmeve, TASS, se vizita e Putinit ka për qëllim krijimin e besimit dhe dialogut.

“Kjo vizitë i bënë respekt miqësisë tradicionale të Sllovenisë dhe Rusisë, përkundër disa dallimeve në marrëdhëniet e dy vendeve lidhur me pozicionet e tyre për çështje të caktuara aktuale”, tha Borut Pahor.

(Kosova Sot)