Vatrat e zjarrit në Shëngjin vihen nën kontroll, rreziku mbetet
Rreziku i zjarrit vazhdon të jetë prezent në zonën në afërsi të portit të Shëngjinit dhe tek “Rana e Hedhun”.
Edhe pse situata u normalizua rreth mbrëmjes të së enjtes, vatrat e zjarrit janë aktivizuar sërish gjatë natës, por ato janë nën kontroll, pohojnë autoritetet lokale.
Mediat raportojnë se rreth orës 03:00 të mëngjesit të ditës së premte zjarrfikësit dhe forcat e ushtrisë u angazhuan maksimalisht për lokalizimin e vatrave të zjarrit.
Krahas 200 efektivëve të ushtrisë dje u angazhuan dhe dy helikopterë për shuarjen e vatrave të zjarrit dhe parandalimin e tij drejt qendrave te banuara.
(Kosova Sot0