Arrestohet 23 vjeçari në Prishtinë, u kap me 8 kg marihuanë
Policia e Kosovës ka njoftuar se ka arrestuar një person në lagjen “Dardania”, të cilët i janë gjetur 8 kg marihuanë gjatë bastisjes në banesë.
Sipas policisë, i arrestuar ka lindur në vitin 1993 dhe akuzohet për kryerjen e veprës penale posedim, blerje, shitje e shpërndarje të narkotikëve.
Lexoni njoftimin e plotë të policisë:
Policia e Kosovës konfiskon mbi 8 kilogramë marihuanë dhe arreston një person të dyshuar
Policia e Kosovës, konkretisht Drejtoria për Hetimin e Trafikim me Narkotikë, me datën 26 tetor 2016, pas një hetimi ka realizuar një plan taktik, me urdhër të gjykatës, duke bërë bastisjen e një banese në lagjen ‘Dardania’, nën dyshimin e bazuar se në atë lokacion mund të ketë sasi të narkotikëve.
Pas bastisjes së banesës është gjetur sasi e narkotikëve, të cilat kanë qenë të mbështjella në 7 paketime të formave dhe madhësive të ndryshme, të mbushura me substancë të dyshuar narkotike të llojit marihuanë.
Me këtë rast është bërë arrestimi i të dyshuarit: A. M. lindur me 1993.
I dyshuari i arrestuar akuzohet për veprën penale ‘blerje , posedim, shpërndarje dhe shitje e paautorizuar e narkotikëve, substancave psikotrope apo analoge’, Neni 273.
Sipas informatave të pranuara dyshohet se i dyshuari ka pasur qëllim shpërndarjen e narkotikëve në sasi më të vogla tek përdorues të ndryshëm.
Vlera e narkotikëve pas matjes me peshore ka rezultuar të jetë me peshë të përgjithshme 8 kilogramë e 82 gramë.
Gjithashtu lidhur me këtë rast janë konfiskuar edhe një thikë dhe tre telefona mobilë. Me urdhër të prokurorit i dyshuari ndalohet në qendrën e mbajtjes
(Kosova Sot)