Shkodër, 156 kg kanabis në shtëpi, arrestohen dy vëllezërit Gjeloshi
Një sasi prej 156 kilogramë kanabis është zbuluar dhe asgjësuar nga policia e Shkodrës, ndërsa dy persona janë arrestuar në kuadër të një operacioni të koduar “Green House”.
Në lagjen "Skënderbeg" Shkodër është zhvilluar me sukses operacioni i radhës i koduar "GREEN HOUSE"
Në pranga ranë Valentin Gjeloshi, 27 vjeç dhe Ermir Gjeloshi, 25 vjeç, të dy banues në Shkodër.
Në banesën e tyre në lagjen “Skënderbeg” policia gjeti lëndën narkotike.
Materialet procedurale iu referuan Prokurorisë së Shkodrës për veprën penale "Prodhimi dhe shitja e narkotikëve”.
(Kosova Sot)