Familja që jeton në varfëri ekstreme në qendër të Prizrenit
Njëra ndër familjet që jeton me kushte ektremisht të varfra është ajo e Enver Xhemajlit, ku ai bashkëvuan tani plot 16 vjet me bashkëshorten Kadishen, që është e paralizuar dhe me fëmijët ende të moshës së re, Rionin dhe vajzën e vogël Alma, që për shkak të dhembjes së madhe ndaj së ëmës ajo rritet tek dajat e saj. I zoti i shtëpisë, Enver Xhemajli, shpjegon se tani e 16 vjet përkujdeset për shoqen e tij dhe me kushte tepër të rënda, jeton vetëm në një dhomë që ka 16 metra katrorë.
Para as për barna
Enveri merr 55 euro si ndihmë sociale, kurse si person i paralizuar Kadishja merr 75 euro, por ata thonë se vetëm për barnat për Kadishen me udhëzim mjeku në muaj duhet t’i i kenë 200 euro. "Jemi në muajin e shenjtë të Ramazanit dhe shpresoj se dikush do të hapë derën, për të na ndihmuar që edhe ne të festojmë këtë muaj të shenjtë”, pohon Enveri për "Kosova Sot" . Edhe ai është i sëmurë, ka dhimbje koke dhe sëmundje të tjera kronike, por që ende nuk ka shkuar te mjeku, sepse frikësohet mos po i thotë të blejë ndonjë ilaç të shtrenjtë dhe nuk ka mjete t’i përkushtohet vetes, derisa Kadishja është në këtë gjendje. Ndërkaq, djali i Enverit, Rioni 23-vjeçar, tregon se sa i vështirë është kujdesi për familjen e tij, e veçanërisht për nënën, pasi ajo të gjitha nevojat duhet t'i kryejë me ndihmën e tij ose te babait të tij. “Ndoshta jetojmë më së vështiri në Kosovë, por Zoti shpirtin nuk ta merr kur duash, por vetëm kur ai e shkruan këtë”, pohon Kadishja, kurse Enveri i zhytur thellë në mendime thotë se falë ndihmave kanë mbijetuar deri këtu. (Më gjërësisht mund ta lexoni në numrin e sotëm të gazetës KOSOVA SOT)