Njëzet e një njerëzit më të pasur në Evropë
TË SHQETËSUAR PËR TË ARDHMEN E KONTINENTIT
Armancio Ortega është njeriu më pasur në Evropë, i dyti në botë
Stabiliteti politik ka rëndësi të madhe për njerëzit më të pasur të botës, e me këtë edhe të Evropës
Këta njerëz janë të shqetësuar rreth votës pro Brexit, rreth dështimit të kryeministrit liberal italian dhe rrezikut që Franca ta ketë një president të ekstremit të djathtë. Ja cilët janë 21 personat më të pasur në kontinentin tonë, transmeton gazeta Kosova Sot.
1. 1.AMANCIO ORTEGA
Pasuria neto: 50.2 miliardë funte Mosha: 80 vjet Armancio Ortega është manjat spanjoll i biznesit, i cili themeloi grupin e modës "Inditex", i cili njihet më së miri për zinxhirin e modës Zara. Është personi i dytë për nga pasuria në botë.
2. INGVAR KAMPRAD DHE FAMILJA
Pasuria neto: 38.3 miliardë funte Mosha: 90 vjet Kamprad i lindur në Suedi, formoi kompaninë globale të mobilieve IKEA. Ai shpjegon filozofinë e tij prodhuese në një manifest të vitit 1976, të quajtur "Testament i një tregtari të mobilieve".
3. KARL ALBRECHT JR, BEATE HEISTER & FAMILJA
Pasuria neto: 27.1 miliardë funte Këta janë fëmijët dhe trashëgimtarët e të ndjerit Karl Albrecht, i cili bashkëthemeloi dyqanet me çmime të volitshme, "Aldi", bashkë me vëllain e tij. Këto dyqane gjenden në më shumë se 18 vende.
4. SERGEY BRIN
Pasuria neto: 26.1 miliardë Mosha: 43 vjet Shkencëtari i lindur në BRSS, Sergey Brin, është bashkëthemelues i kompanisë "Google". Ai është president i kompanisë bijë të "Google"-s, "Alphabet Inc." Dhe personi i 12-të në botë për nga pasuria.
5. 5.STEFAN QUANDT DHE SUSANNE KLATTEN
Pasuria neto: 25.4 miliardë funte Mosha: 50 & 54 vjet Ky çift jo i rëndomtë përbëhet nga trashëgimtarët e pasurisë së kompanisë "BMW". I ati i tyre, Herbert Quandt, ishte industrialisti i cili e shndërroi BMW-në në një gjigant industrial.
6. 6.LILIANE BETTENCOURT
Pasuria neto: 25.0 miliardë funte Mosha: 94 vjet Bettencourt është "zonja e madhe" e kompanisë L'Oreal. Bettencourt dhe fëmijët e saj posedojnë 33% të kësaj kompanie kozmetike. Ajo vuan nga demenca, prandaj janë fëmijët ata që merren me biznes.
7. BERNARD ARNAULT
Pasuria neto: 23.6 miliardë Mosha: 67 vjet Bernard Jean Étienne Arnault është shef ekzekutiv i kompanisë së mallrave luksoze LVMH, në kuadër të së cilës punojnë edhe firmat Louis Vuitton dhe Moëet & Chandon. Ai është njeriu më i pasur në Francë.
8. STEFAN PERSSON, LOTTIE THAM & FAMILJA
Pasuria neto: 21.7 miliardë funte Mosha: 69 & 67 vjet Vëllezërit suedezë posedojnë një pjesë të madhe të kompanisë së modës H&M, të cilën e themeloi babai i tyre. Persson është kryesues dhe shef ekzekutiv, derisa Tham posedon 5% të aksioneve.
9. 9. FAMILJA HENKEL
Pasuria neto: 18.7 miliardë funte Familja Henkel udhëheqë një konglomerat me emër të njëjtë, i cili prodhon produkte, ku përfshihet edhe detergjenti "Persil". E themeluar në vitin 1876, kjo kompani e ka selinë në Dyseldorf të Gjermanisë.
10. FAMILJA 10.OERI / HOFFMANN
Pasuria neto: 18.4 miliardë funte Klani Oeri-Hoffman përbëhet nga pasardhësit e themeluesve të gjigantit farmaceutik zviceran "Roche". Ata e kanë këtë kompani nën kontroll, përkundër mungesës së roleve operative.
11. AXEL DUMAS
Pasuria neto: 17.3 miliardë funte Mosha: 46 vjet Dumas ka nën kontroll shtëpinë e modës "Hermès International" që nga viti 2013. Familja Dumas ka 70% të hises të kësaj kompanie miliardësh.
12. GEORGE SOROS
Pasuria neto: 17.1 miliardë funte Mosha: 86 vjet George Soros është amerikan me origjinë hungareze, menaxher dhe donator i madh politik. Ai njihet si "Njeriu i cili shkatërroi Bankën e Anglisë", për shkak të krizës së vitit 1992, gjatë të së Mërkurës së zezë, kur ai kishte bërë malverzime me shitblerje.
13. FAMILJA MULLIEZ
Pasuria neto: 16.6 miliardë funte Familja Mulliez është e pasur për shkak të "Arnaud Group", një grupi ndërkombëtar francez të shitjes me pakicë, të bazuar në Kroa, Francë, të themeluar nga Gerard. Ky grup ka rreth 270,000 punëtorë në 15 vende.
14. ALAIN DHE GERARD WERTHEIMER
Pasuria neto: 16.4 miliardë funte Mosha: 68 & 66 vjet Këta vëllezër udhëheqin "House of Chanel", shtëpinë e njohur të modës botërore. Ky biznes i tyre familjar filloi pasi që gjyshi i tyre, Pierre Wertheimer, u bë partner i hershëm i biznesit me Gabrielle Bonheur Chanel, themeluesin e kësaj marke.
15. GIOVANNI FERRERO DHE FAMILJA
Pasuria neto: 15.1 miliardë funte Mosha: 52 vjet Giovanni Ferrero është në krye të kompanisë prodhuese ushqimore, "Ferrero SpA", të njohur më shumë për lyerjen e çokollatës "Nutella" dhe për çokolatat "Ferrero Rocher", qyshkur i vdiq i vëllai, Pietro Ferrero, në vitin 2011.
16. GEORG DHE MARIAELISABETH SCHAEFFLER, DHE FAMILJA
Pasuria neto: 14.1 miliardë funte Mosha: 52 & 75 vjet Georg Schaeffler posedon 80% të kompanisë industriale prodhuese "Schaeffler Group", derisa e ëma e tij posedon 20% e mbetur. Kjo kompani prodhon elemente për autoindustri, avioindustri dhe industri të tjera.
17. DAVID DHE SIMON REUBEN
Pasuria neto: 13.1 miliardë funte David dhe Simon Reuben janë biznes menë britanikë dhe filantropë të mëdhenj. Këta vëllezër kanë lindur në Indi dhe u bënë të pasur nga tregtia me metale dhe ndërtimtaria.
18. SRI DHE GOPI HINDUJA
Pasuria neto: 13.0 miliardë funte Ky çift, i cili jeton në Britani, janë gjysma e asaj që mund të quhet "Fantastic Four", katër binjakët në të 70-tat e tyre, të cilët e udhëheqin konglomeratin "Hinduja Group", e cila posedon prodhuesin indian të automobilave "Ashok Leyland".
19. LEONARDO DEL VECCHIO
Pasuria neto: 12.9 miliardë funte Mosha: 81 vjet Biznesmeni italian Del Vecchio është themelues i "Luxottica Group", i cili është prodhuesi më i madh në botë i thjerrëzave dhe syzave. Ky grup ka më shumë se 75,000 punëtorë dhe më shumë se 7,000 dyqane në mbarë botën.
20. KIRSTEN, FINN DHE JORN RAUSING
Pasuria neto: 12.9 miliardë funte Këta janë trashëguesit e gjeneratës së tretë të pasurisë së paketimit "Tetra Pak". Kjo kompani ka një fitim vjetor prej 11.3 miliardë funtesh dhe punë- son më shumë se 30,000 njerëz.
21. DIETER SCHWARZ & FAMILJA
Pasuria neto: 12.0 miliardë funte Mosha: 77 vjet Si pronar i Schwarz-Gruppe, Dieter Schwarz udhëheqë buxhetin e supermarketeve Lidl dhe të supermarketeve gjermane Kaufland, dhe ai është njeriu më i pasur në Gjermani.
(Kosova Sot)