Skandaloze: Akulli nëpër lokalet e Tiranës vinte nga ujërat e zeza

  • 02 July 2015 - 22:33
Skandaloze: Akulli nëpër lokalet e Tiranës vinte nga ujërat e zeza

“Fiks Fare” ndërmori disa ditë më parë një vëzhgim për cilësinë e akullit në kryeqytet.

Emisioni investigativ i Top Channel, në bashkëpunim me Institutin e Shëndetit Publik dhe Inspektoratin Shëndetësor Shtetëror morën mostrat e akullit në disa subjekte private “bar­kafe”, të përzgjedhura rastësisht.

Këto të fundit u dërguan më pas për analiza, e pas marrjes së përgjigjeve u konstatua se në disa subjekte akulli i marrë i ndotur mikrobiologjikisht.

Konkretisht, akulli shfaqte shenja të “Steptokokut fekal”, gjë që tregon se uji që është shndërruar në akull ka shenja të ujërave të zeza.

Tri nga shtatë subjektet, ku u morën mostrat e akullit, shfaqnin këtë problematikë.

Dy institucionet kompetente, në ditët në vijim do të marrin masa ndaj subjekteve të gjetura në shkelje, por gjithashtu do të bëhen vëzhgime edhe në subjekte të tjera për të parë se si rezultojnë ato.