Njeriu i afërt i Putinit, që prodhon lajme të rreme nga Shën Petërburgu

  • 12 October 2017 - 23:26
Njeriu i afërt i Putinit, që prodhon lajme të rreme nga Shën Petërburgu

Tashmë provat ekzistojnë se rusët janë hedhur me kokë dhe me gëzim në zemër për të ndikuar përmes "Facebook"-ut në fushatën presidenciale amerikane. Llogari false, publicitet i targetuar deri në detaje, ata kanë përdorur në mënyrë inteligjente të gjitha mundësitë që të jep rrjeti social. Masa dhe pesha me të cilën Kremlini ka ndikuar në zgjedhjen e Trump-it mbetet akoma të zbulohet dhe është në hetim e sipër, por amerikanët kanë arritur të zbulojnë se ku gjendet "fabrika e lajmeve të rreme" prej ku dirigjohej manipulimi i "Facebook"-ut kundër kandidates Hillari Klinton. Nga periferitë e Shën Petërburgut disa qendra "Kiberushtarë" punonin gjatë gjithë kohës përmes llogarish false për të mbështetur politikën e Kremlinit dhe për të denigruar armiqtë e Rusisë. Edhe përpara se të fillonte fushata presidenciale në Amerikë, mediet ruse kishin raportuar për këtë fabrikë të prodhimit të lajmeve të rreme.

 

"Gjithçka vendoset në Kremlin"

Një investigim i gazetës të pavarur "Novaia Gazeta" pati zbuluar një lidhje mes biznesmenit nga Shën Peterburgu Evgeny Prigogine dhe fabrikës së "trolls". Ky afarist i mbiquajtur ndryshe edhe kuzhinieri i Putinit që njihet për lidhjet e tij të afërta me Kremlinin është një nga aksionarët kryesorë të fabrikës së gënjeshtrave. Kompania e Prigoginit, që njihet si një nga emrat më të mëdhenj të kuzhinës së Rusi, ka fituar shumë tenderë shtetërorë, ka organizuar të gjithë ceremoninë e zgjedhjes president të Putinit, madje ai vetë u ka shërbyer shefave të shteteve kur ata takoheshin në Moskë dhe Shën Petërburg me liderin rus. Të gjitha këto zëra Kremlini i ka mohuar kategorikisht. "Ne nuk kemi asnjë lidhje me këtë, ne s'kemi dëgjuar për këtë gjë, dhe s'duam që emri ynë të lidhet me këtë histori 'Facebook'-u", ka thënë zëdhënësi i presidencës ruse Dimitri Peskov. Por, eksperti i pavarur dhe specialist i kibernetikës Andrei Soldatov, në një intervistë që i ka dhënë gazetës 'Libaration' pohon krejt të kundërtën. "Gjithçka vendoset në Kremlin". pohon ai dhe vazhdon: "Ka një ndryshim me periudhën sovjetike, atëherë ishin njerëz të ndryshëm që merreshin me çështjet e brendshme dhe të tjera që mbulonin ato të jashtme. Ndërsa tani është një rreth i ngushtë njerëzish në Kremlin që merret me të dyja".

Kremlini ka vendosur shumë vonë të ndërhyjë në zgjedhjet amerikane

Por. Soldatov nuk i jep shumë rëndësi teorisë së ndërhyrjes në zgjedhjet e ShBA-së. "Shumat e harxhuara në para janë shumë pak (rreth 100 mijë dollarë ka pohuar shefi i 'Facebook'-ut, Mark Zucerberg). Kremlini ka vendosur shumë vonë të ndërhyjë në zgjedhjet amerikane. Kjo ndodhi pas shpërthimit të skandalit Panama Papers ku dolën dokumente për pasurinë marramendëse të Putinin. Vetëm pas kësaj, presidenti rus vendosi të hakmerret dhe në fakt u bazua në të dhënat e "spiunëve" të 'Facebook'-ut që për hir të së vërtetës Rusia i mblidhte që prej vitit 2015".

(Kosova Sot)